Alvaro Odriozola: Odriozola នៅជាមួយ Bayern Munich លើលក្ខខណ្ឌខ្ចីពី Real Madrid ។ ក្នុងឯកសណ្ឋានរបស់ Bayern ខ្សែការពារ Odriozola លេងបានតែ ៦ ប្រកួតប៉ុណ្ណោះ តែឈ្នះបាន ៣ពាន គឺ Bundesliga, German Cup និង UEFA Champions League ។ Odriozola លេងឲ្យ Real នៅជើងទី ១ ក្នុងរដូវកាលនេះ ដូច្នេះគេក៏បានមេដាយ La Liga និង Spanish Super Cup។ ជាមួយនឹងការបង្ហាញខ្លួនតែ ១០ ដងប៉ុណ្ណោះ Odriozola ឈ្នះបានពានរង្វាន់ចំនួន ៥ ក្នុងមួយរដូវកាល (បូកទាំង Real Madrid និង Bayern Munich)។

បន្ទាប់ពីយុទ្ធនាការ Champions League ឆ្នាំ ២០១៩/២០ Odriozola ត្រូវត្រឡប់ទៅ Real វិញព្រោះមិនស្ថិតក្នុងផែនការរបស់អ្នកចាត់ការ Hansi Flick ទេ។ យោងតាមសារព័ត៌មាន Marca គេក៏មិនត្រូវបានផ្តល់តួនាទីនៅ Real Madrid ដូច្នេះមានតែបន្តរកទ្រនំថ្មី។

Philippe Coutinho៖ “ខ្ញុំមិនគិតច្រើនពីអនាគតទេ។ ខ្ញុំត្រូវត្រលប់ទៅ Barca វិញហើយខ្ញុំចង់ប្រឹងប្រែងដើម្បីមានរដូវកាលដ៏អស្ចារ្យ។ ខ្ញុំមិនដឹងថាខ្ញុំនឹងនៅ Barca នៅឆ្នាំក្រោយទេ។” នេះជាកិច្ចសម្ភាសចុងក្រោយជាមួយ Coutinho។”

Thiago Alcantara ៖ នៅវគ្គផ្តាច់ព្រ័ត្រនៃពានរង្វាន់ Champions League ២០១៩/២០ Thiago គឺជាកីឡាករដែលគួរឲ្យចាប់អារម្មណ៍បំផុត។ អ្នកចាត់ការ Hansi Flick ទទូចថា Thiago នឹងបន្តនៅ Bayern ។ ទន្ទឹមនឹងនេះអ្នកគាំទ្រ Bayern អំពាវនាវដល់ខ្សែបម្រើអេស្ប៉ាញបន្តនៅ Allianz Arena។ ទោះយ៉ាងណាការសម្រេចចិត្តចុងក្រោយលែងនៅលើ Bayern ទៀតហើយ។ គេជឿថា Liverpool អាចជាបេក្ខជនលេចធ្លោជាងគេក្នុងការទទួល​បាន​អតីត​កីឡាករ FC Barcelona ដែលផ្លាស់ទៅ Bayern Munich តាំងពីឆ្នាំ២០១៣រូបនេះ។

Javi Martinez៖ ក្នុងវ័យ៣១ឆ្នាំ Martinez គ្មានកន្លែងនៅ Bayern Munich ទេ។ រដូវកាលនេះ គេលេងបានតែ ២៤ ប្រកួតប៉ុណ្ណោះពីគ្រប់កម្មវិធី។ នៅវគ្គផ្តាច់ព្រ័ត្រពានរង្វាន់ UEFA Champions League ២០១៩/២០ ដែលធ្វើឡើងនៅទឹកដីកណ្ដាល គេបានរួមចំណែកសំខាន់ខ្លាំងឡើយ។ ក្លិបនៅ Premier League មួយចំនួនក៏បានបង្ហាញការចាប់អារម្មណ៍លើអតីតសមាជិក Athletic Bilbao រូបនេះដែរ។

Ivan Perisic: បន្ទាប់ពីកិច្ចព្រមព្រៀងលើលក្ខខណ្ឌខ្ចីពី Inter Milan ត្រូវបានបញ្ចប់ Bayern Munich ពុំមានផែនការទិញផ្ដាច់ Perisic ទេ។ គេទំនងត្រូវត្រឡប់ទៅ Inter Milan តែក្រុមនៅអ៊ីតាលីមួយនេះក៏គម្រោងរក្សាទុកកីឡាករក្រូអាតនេះឡើយ ដូច្នេះមានរកទ្រនំថ្មីប៉ុណ្ណោះ៕