Manchester City បាន​បន្តឈ្នះពានរង្វាន់ EFL Cup (​League Cup) ២០២០ ដែលជាការឈ្នះជើងឯក៣​ឆ្នាំ​ជាប់ៗគ្នា បន្ទាប់​ពី​បាន​ផ្តួល Aston Villa ២ទល់នឹង១ កាល​ពី​យប់​មិញ​នៅ​កីឡដ្ឋាន Wembley។

ខ្សែប្រយុទ្ធ Sergio Aguero ជា​អ្នក​រក​គ្រាប់​ទី​មួយ​ឱ្យក្រុមការពារជើងឯក មុន​ពេលខ្សែបម្រើ Rodri ជា​អ្នក​ធ្វើ​បាន​គ្រាប់​ទី​ពីរ ខណៈ Mbwana Samatta រក​បាន​មួយ​គ្រាប់​សង​វិញ​ឱ្យ Aston Villa។

យ៉ាងណាក្តីក្រោយជួយឱ្យក្រុមទទួលបានជើងឯក Sergio Aguero បានមានបញ្ហារបួសជង្គង់ដោយត្រូវបានផ្តូរចេញនៅចុងម៉ោងនានាទីទី៨៤ ខណៈក្រោយចប់ការប្រកួតកីឡាករសញ្ជាតិអាហ្សង់ទីនបានបង្ហើបថា របួសគេមិនធ្ងន់ធ្ងរទេ ប៉ុន្តែ Man City មិនទាន់ចេញសេចក្តីរាយការណ៍អំពីបញ្ហារបួសរបស់ខ្សែប្រយុទ្ធនេះនៅឡើយទេ។