ក្រុមការពារតំណែងជើងឯកព័រទុយហ្គាល់បានកក់កៅអីនៅព្រឹត្តិការណ៍ EURO 2020 បានសម្រេចក្រោយពីយកឈ្នះក្រុមម្ចាស់ផ្ទះលុចហ្សាំប៊ួរ ដោយលទ្ធផល២ទល់នឹង០។

ក្រោមការគ្រប់គ្រងបាល់ជាច្រើន និងបង្កើតឱកាសជាច្រើនលើកជាច្រើនសារ ប៉ុន្តែក្រុមរបស់ Fernando Santos អាចមានលទ្ធភាពស៊ុតបញ្ចូលទីបានត្រឹម១គ្រាប់តែប៉ុណ្ណោះ ដែលជាការស៊ុតរបស់ខ្សែបម្រើ Bruno Fernandes នៅវគ្គទី១។ លុះចូលមកដល់វគ្គទី២ ប្រធានក្រុម Cristiano Ronaldo ក៏បន្ថែមបាន១គ្រាប់ទៀតនៅចុងម៉ោងហើយក៏ជាគ្រាប់ទី៩៩របស់ខ្លួនសម្រាប់ក្រុមជម្រើសជាតិផងដែរ។

ដូចនេះមានន័យថា ព័រទុយហ្គាល់ បានចាប់ដៃគ្នាជាមួយអ៊ុយក្រែន ឡើងទៅជុំបន្ទាប់នៅឆ្នាំក្រោយ ខណស៊ែបត្រូវប្រកួតវគ្គ Play-off ជាមួយក្រុមមកពីពូលផ្សេងៗជាបន្តទៀត។

ទស្សនាវីដេអូ: