កាលពីពេលថ្មីៗនេះ ខ្សែប្រយុទ្ធ Cristiano Ronaldo ទើបតែបានបង្កើតកំណត់ត្រាថ្មីក្រោយពីស៊ុតបញ្ចូលទីគ្រាប់ទី៧០០របស់ខ្លួននៅក្នុងអាជីព ហើយក៏ក្លាយជាកីឡាករទី៦នៅក្នុងប្រវត្តិសាស្រ្តបាល់ទាត់ផងដែរដែលអាចធ្វើបានសមិទ្ធផលបែបនេះ។

៧០០គ្រាប់របស់ប្រធានក្រុមជម្រើសជាតិព័រទុយហ្គាល់ខាងលើរកបាននៅ Sporting CP – ៥គ្រាប់, Manchester United – ១១៨គ្រាប់, Real Madrid – ៤៥០គ្រាប់, Juventus – ៣២គ្រាប់ និង Portutal – ៩៥គ្រាប់។

យ៉ាងណាក្តីភ្នាក់ងាររបស់ CR7 លោក Jorge Mendes បាននិយាយថា៖ Cristiano Ronaldo គឺជាកីឡាករល្អបំផុតនៅក្នុងលោកនេះ ហើយខ្ញុំជឿថាគេនឹងបំបែកកំណត់ត្រាស៊ុតបញ្ចូលទីរបស់ Pelé បានក្នុងពេលខាងមុខនេះជាមួយនឹង Juventus។

គួរបញ្ជាក់ថា វីរបុរសបាល់ទាត់ប្រេស៊ីល Pele កាន់កាប់កំណត់ត្រាជាកីឡាករដែលស៊ុតបញ្ចូលទីបានច្រើនជាងគេបង្អស់នៅក្នុងពិភពបាល់ទាត់ ពោលគឺបានស៊ុតបញ្ចូលទីចំនួន៧៥៧គ្រាប់ឯណោះនៅក្នុងអាជីពរបស់ខ្លួន។