បើករដូវកាលថ្មី Premier League បាន៥សប្តាហ៍ បិសាចក្រហម Manchester United ទើបតែរកបាន ៨គ្រាប់ប៉ុណ្ណោះ ហើយរបូតវិញ ៤គ្រាប់។ លោក Ole Gunnar Solskjaer កំពុងដាក់សេចក្តីទុកចិត្តខ្ពស់លើខ្សែប្រយុទ្ធ Marcus Rashford ក្នុងការរកគ្រាប់បាល់ច្រើនៗសំរាប់ Manchester United នៅប្រកួតក្រោយទៀត។

Europa League ដែលទើបបញ្ចប់កាលពីពេលថ្មីៗ ManU បានយកឈ្នះ Astana ដោយលទ្ធផល ១-០ ដែលស៊ុតបញ្ចូលទីដោយកីឡាករ Mason Greenwood នៅនាទីទី ៧៣។ វាជារឿងខកចិត្តសំរាប់ Rashford ក្នុងនាមជាខ្សែប្រយុទ្ធស្រួចដែលមិនអាចរកគ្រាប់បាល់បញ្ចូលទីបាន។

ក្រោយការចាកចេញរបស់ Romelu Lukaku និង​ Alexis Sanchez បានធ្វើអោយប្រយុទ្ធមានភាពរវល់ច្រើន ហើយបន្ទុកនេះវាធ្លាក់ទៅលើ Rashford និង Martial ជាអ្នករ៉ាប់រងបន្ត។ ប៉ុន្តែលោក Solskjaer កំពុងពេញចិត្តសំរាប់លទ្ធផលរបស់បិសាចក្រហមក្រោយពេលដែលពួកគេទាំងពីរចាកចេញ។

ប៉ុន្តែពេលនេះ Martial និង Pogba កំពុងមានបញ្ហារបួស អាចនិងមានឈ្មោះចូលលេងនៅថ្ងៃអាទិត្យនេះពេលប៉ះជាមួយ West Ham នោះទេ ហើយខ្សែការពារ Luke Shaw ក៏កំពុងមានបញ្ហារបួសសរសៃពួរទៀតផង។

សប្តាហ៏នេះ Marcus Rashford និងដឹកនាំបិសាចក្រហមក្នុងនាមខ្សែប្រយុទ្ធស្រួចម្នាក់ឯងប៉ះជាមួយញញួរយក្ស West Ham នៅ Old Trafford៕