កូនខ្មែរកាត់អាមេរិក អេរិក ប៉ែន ដែលជាម្ចាស់ខ្សែក្រវាត់ WBA ASIA South បានបន្តរក្សាកំណត់ប្រកួតមិនដែលចាញ់បន្ទាប់ពីបានផ្តួលកីឡាករឥណ្ឌូនេស៊ី David Koswara ត្រឹមទឹកទី១ ក្នុងការប្រកួតកម្មវិធី HIGHLAND INTERNATIONALBOXING PROMOTIONS ដែលធ្វើឡើងក្នុងប្រទេសហ្វីលីពីន កាលពីយប់ថ្ងៃទី ០៣ ខែ សីហា ឆ្នាំ ២០១៩ នេះ ។

នេះជាការឈ្នះលើកទី៤ហើយសម្រាប់អ្នកប្រដាល់សកលអាជីពដែលមានម្តាយរស់នៅខេត្តកំពតរូបនេះ ដោយការប្រកួតរបស់គេនាពេលកន្លងមក ឈ្នះ​កីឡាករ​ថៃ Rewat Khanom នៅ​ថ្ងៃទី​១៧ ខែសីហា ឆ្នាំ​២០១៨ ឈ្នះ​កីឡាករ Kacha Srikong នា​ថ្ងៃទី​២៩ ខែមីនា ឆ្នាំ​២០១៩ នៅ​សង្វៀន Ram 100 Thai Boxing Stadium ក្នុង​ក្រុង​បាងកក ប្រទេស​ថៃ​ ។ កីឡាករកូនខ្មែររូបនេះបានបន្ត​ដណ្តើមបាន​ជើងឯក WBA ASIA South Heavyweight​ លើកីឡាករឥណ្ឌូនេស៊ី Satria Antasena នៅក្នុង​ទឹក​ទី​១ នៅ​សង្វៀន​ក្រុង​ហូជីមិញ ប្រទេស​វៀតណាម កាលពី​ថ្ងៃទី​១៨ ខែឧសភា ឆ្នាំ​២០១៩​ ។

កីឡាករប្រដាល់សកល​ អេរីក​ ប៉ែន​ ភារុន កេីតនៅទីក្រុង​ San Jose រដ្ឋ​ California សហរដ្ឋអាមេរិក អេរីក​ ប៉ែន​ ភារុន បានចាប់ផ្តេីមហាត់ប្រដាល់ដំបូងក្នុងឆ្នាំ២០១៤​ នៅក្នុងក្លឹប​ Saigon Sports Club លក្ខណៈកម្សាន្ត​ និងសុខភាព​ប៉ុណ្ណោះ​ តែបានវិវត្តន៍ក្លាយជាកីឡាករអាជីពក្នុងខែសីហា​ ឆ្នាំ២០១៨​ ៕