Romelu Lukaku បានធ្វើអោយអ្នកសារព័តមាននិងប្រិយមិត្តរបស់គេមានការភ្ញាក់ផ្អើលជាខ្លាំង ក្រោយពីរូបគេបានបង្ហោះរូបភាពជាមួយភ្នាក់ងារទិញដូរកីឡាកររបស់គេ អមដោយចំណង “Soon to be Continue” មានន័យថា ឈុតឆាកថ្មីនិងបង្ហាញក្នុងពេលឆាប់ៗនេះ។

នេះជារឿងរ៉ាវបញ្ចាក់ថា ខ្សែប្រយុទ្ធជនជាតិប៊ែលហ្ស៊ិកកាន់តែខិតជិតការផ្លាស់ប្តូរទៅកាន់ក្លឹបថ្មីក្នុងពេលឆាប់ៗនេះ ដែលកំពុងត្រូវបានក្រុមពស់យក្ស Inter Milan ដាក់សំណើរតាមទិញជារឿយៗ តែត្រូវក៏ធ្លាប់ត្រូវបានបិសាចក្រហមបដិសេធផងដែរ។

រឿងផ្ទុះមួយទៀត​ ពេលនេះសេះបង្កង់ Juventus ក៏ជាគូរប្រជែងតាមទិញ Lukaku ជាមួយ​ Inter Milan ផងដែរ។ ស្របពេលដែល Juventus ក៏ចង់បញ្ចេញកីឡាករខ្លះដូចជា Gonzalo Hiquain, Paulo Dybala និង Mois kean ដើម្បីស្វែងរកចំនូលមករួមក្លឹបផងដែរ។

លើសពីនេះទៅទៀត សេះបង្កង់ហ៊ានអោយ Dybala ទៅបិសាចក្រហមដើម្បីជាថ្នូរនៃកិច្ចព្រមព្រៀងនេះ គាប់ជូននិង Manchester United មិនចង់រងចាំការដាក់សំណើរម្តងទៀតពីពស់យក្ស Inter Milan នោះទេ ដូច្នេះមានន័យថា គោលដៅដោះដូរបន្ទាប់របស់បិសាចក្រហម គឺ សេះបង្កង់ Juventus ដែលមានភាគរយច្រើនដែលអាចទៅរួច៕