Kylian Mbappe រកបានគ្រាប់បាល់បញ្ចូលទី៥គ្រាប់ម្នាក់ឯង ខណៈ Paris St-Germain បានផ្ដួលក្រុមមកពីលីគទី៦បារាំង Pays de Cassel ដើម្បីឈានដល់វគ្គ១៦ក្រុមចុងក្រោយ French Cup ។

Pays de Cassel បានឈ្នះ៣ប្រកួតរួចហើយដើម្បីឈានដល់វគ្គ ៣២ក្រុមចុងក្រោយ ហើយអាចទប់បាន២៩នាទីមុនពេល Mbappe បើកការស៊ុតបញ្ចូលទី។

Neymar បាន​ស៊ុត​បញ្ចូល​ទី​បួន​នាទី​ក្រោយ​មក​មុន​ពេល Mbappe បន្ថែម​ពីរ​គ្រាប់​ទៀត​មុនចប់វគ្គទី១។

គ្រាប់ទី៤ និងទី៥ របស់ Mbappe កើតចេញពីការ assist ដោយ Carlos Soler និង Neymar។

ខ្សែប្រយុទ្ធបារាំង Mbappe រកបាន២៣គ្រាប់គ្រប់កម្មវិធីរដូវកាលនេះ និង​ជា​លើក​ទី​មួយ​ហើយ​ដែល​ PSG មានកីឡាករ​រក​បាន​៥​គ្រាប់​ក្នុង​មួយ​ប្រកួត៕