លោក Erik ten Hag បញ្ចេញអារម្មណ៍ នៅ​ក្នុង​សន្និសីទកាសែត​ជា​លើក​ដំបូង​ក្នុង​នាម​ជា​អ្នកដឹកនាំ​របស់ក្លិប​បិសាច​ក្រហម​ លោក​ Erik Ten Hag ​បាន​ឆ្លើយ​តប​ទៅ​កាន់​សំណួរ​អ្នកកាសែត​ជា​ច្រើន​ ក្នុង​នោះ​លោក​ក៏​បាន​ឆ្លើយ​តប​នឹង​សំណួរ​ប្រកួត​ប្រជែង​ដណ្ដើម​ពាន​ Premier League នៅ​រដូវកាល​ក្រោយផងដែរ​។

លោក​ Ten Hag ​បាន​ឆ្លើយ​ថា ” ខ្ញុំ​មិន​ទាន់​គិត​ពី​រឿង​ដណ្ដើម​យក​ឈ្នះ​ពាន​ Premier League ក្នុង​ពេល​នេះ​ទេ​។ ខ្ញុំ​គិត​ពី​ផែនការ​មក​ដឹកនាំ​​នេះ​គឺដើម្បីស្ដារ​ក្រុម។ វាជា​គម្រោង​ច្បាស់លាស់​ ហើយ​អនុវត្តគម្រោង​នេះ វា​ត្រូវ​ការពេលវេលា​។ អ្វី​ដែល​យើង​ចង់​បាន​គឺ​ឈ្នះ​គ្រប់​ប្រកួត​ ហើយ​និយាយ​ទៅ​គឺ​តាម​ដាន​ពី​មួយ​ប្រកួត​ ទៅ​មួយ​ប្រកួត​សិន​ បន្ទាប់​មក​គឺ​យើង​នឹង​ដឹង​ហើយ​ “។​​

លោក​បាន​បន្ត​ថា ” Premier League ជា​លីគ​កំពូល​ដ៏​អស្ចារ្យ​មួយ​។ ខ្ញុំ​ធ្លាប់​បាន​ជួប​គ្រូបង្វឹក​ធំៗ មក​ពី​ក្លឹប​ធំៗ អញ្ចឹង​ខ្ញុំ​ដឹង​ត្រូវ​ធ្វើ​យ៉ាង​ម៉េច​ ប៉ុន្តែ​ច្បាស់​ណាស់​ ​ខ្ញុំបាន​ត្រៀម​ខ្លួន​ដើម្បី​ប្រកួត​ប្រជែង​ជា​មួយ​ពួក​គេ​ “។​

The Nightmare