ស្តេចស Real Madrid ប្រកាសពីអាការៈរបួសរបស់ Asensio អាចមានរយៈពេលយូរខ្លាំង
អធិរាជស Real Madrid បានប្រកាសជាផ្លូវការពីអាការៈរបសួសរបស់ខ្សែប្រយុទ្ធ Marco Asensio ដែលរងរបួសអំឡុងការប្រកួតមិត្តភាពវិស្សមកាលជាមួយកាំភ្លើងធំ Arsenal កាលពីពេលថ្មីៗនេះ។
កីឡាករជនជាតិអេស្ប៉ាញបានរងរបួសដាច់សរសៃពួរក្បាលជង្គង់ខាងឆ្វេងក្នុងស្ថានភាពធ្ងន់ធ្ងរ នៅនាទីទី៦៥ ត្រូវបានដូរចេញភ្លាមៗជំនួសវិញដោយកីឡាករ V.Junior។
តាមរយៈអាការៈនេះគេហទំព័រផ្លូវការរបស់ស្តេចស Real Madrid បានបញ្ចាក់ថាកីឡាករវ័យ២៣ឆ្នាំ អាចនិងសំរាកព្យាបាលរបួសចាប់ពី ៦ខែដល់៩ខែ រឺក៏អាចឈានដល់មួយរដូវកាលតែម្តង តាមកាលៈទេសៈជាក់ស្តែង ។
អតីតយុវជនរបស់ក្លឹប Mallorca រូបនេះផ្លាស់ពី Mallorca មកកាន់ Real Madrid កាលពីឆ្នាំ ២០១៤ ដោយចូលលេងបាន ១៣៥ប្រកួត ស៊ុតបញ្ចូលទីបាន ២៧គ្រាប់ និងជាប់ក្នុងឈុតជំរើសជាតិអេស្ប៉ាញបាន ២២លើក ស៊ុតបញ្ចូលទីបាន១គ្រាប់៕
