ទីបំផុតក្រុមគោព្រៃកម្ពុជាបានប្រកួតឈ្នះក្រុមជម្រើសជាតិ ប៉ាគីស្ថាន ២ទល់០ នា​ការប្រកួត​ជម្រុះ World Cup វគ្គ​ជម្រុះ​បឋម​ជើង​ទីមួយ​ដែល​ប្រព្រឹត្តទៅ​ក្រោម​ដំណក់ទឹកភ្លៀង​នៅ​ពហុ​កីឡដ្ឋាន​ជាតិ​អូឡាំពិក​នា​ល្ងាច​ថ្ងៃ​ព្រហស្បតិ៍ ទី​៦ ខែមិថុនា នេះ​ ក្នុងនោះស៊ុតបញ្ជូលទីដោយកីឡាករក្មេងជាងគេ សៀង ច​ន្ធា ​នៅ​នាទី​៨១ ហើយ គួច សុគ​ម្ភៈ បន្ថែម​គ្រាប់​ទី​២​នៅ​នាទី​៨៤​។​

ចុះឈ្មោះ និង ដាក់ប្រាក់ជាមួយ 188asia ឥឡូវនេះដើម្បីទទួលបានប្រាក់បន្ថែមរហូតដល់ 100$

គួរបញ្ជាក់ផងដែលថា ក្រុមជម្រើសជាតិកម្ពុជានិងធ្វើដំណើរទៅទីក្រុងដូហាប្រទេសហ្គាតា ដើម្បីត្រៀមខ្លួនប្រកួតជើងទី២ជាមួយក្រុមជម្រើសជាតិបាល់ទាត់ ប៉ាគីស្ថាន។ ជាមួយគ្នានេះ លោក​ Felix គ្រូ​កម្ពុជា​បាន​និយាយក្រោយចប់ការប្រកួតថា៖ អរគុណយ៉ាងខ្លាំងសម្រាប់បងប្អូនកម្ពុជា ដែលបានចំណាយពេលវេលាទាំងភ្លៀងដើម្បីមកគាំទ្រ និង លើកទឹកចិត្តដល់ក្រុមជម្រើសជាតិកម្ពុជា ហើយសំដីរបស់លោកគឺតែងតែនិយាយដដែលៗថា យើងប្រកួតគឺមិនផ្តោតពីលទ្ធផល តែយើងលេងដើម្បីរីកចម្រើនទៅថ្ងៃខាងមុខ។ លោក Felix ក៏បានបន្ថែមទៀត សម្រាប់អ្នកដែលបានរិះគន់ចំពោះការសម្រេចចិត្តរបស់លោកដែលបានជ្រើសរើសកីឡាករឲ្យជាប់ក្នុងជម្រើសជាតិ សង្ឃឹមថាអ្នកទាំងនោះនិងសប្បាយចិត្តចំពោះលទ្ធនេះ។

គួររំលឹកថា ក្រុមជម្រើសជាតិកម្ពុជាធ្លាប់ប្រកួតឈ្នះក្រុមជម្រើសជាតិ ប៉ាគីស្ថាន១ទល់០ម្តងហើយក្នុងជំនាន់ឆ្នាំ១៩៦៧ ដែលស៊ុតបាល់បញ្ជូលទីដោយអតីតកីឡាករជម្រើសជាតិកម្ពុជា ប៊ែន ផាត៕ ប្រភពរូបភាពៈ សហព័ន្ធកីឡាបាល់ទាត់កម្ពុជា