នៅថ្ងៃសៅរ៍សប្តាហ៍នេះនាវេលាម៉ោង៩យប់ដល់ម៉ោង១០យប់ កម្មវិធី ឆ្ងាញ់ក្នុងសំណាញ់បាល់ទាត់ ឬក៏​ Fact Fun Football នឹងធ្វើការផ្សាយនៅលើកញ្ចក់ទូរទស្សន៍ CTN ដែលនេះគឺជាកម្មវិធីរបស់ក្រុមកីឡា CBS ដែលលោក នី ឬទ្ធី គឺជាផលិតករ ដោយមានការចូលរួមពីសំណាក់បុគ្គលសំខាន់ជាច្រើននៅក្នុងពិភពកីឡាបាល់ទាត់នាប្រទេសកម្ពុជា។

ជាមួយគ្នានោះផងដែរកម្មវិធីនេះមានលោក ស៊ីថូ ណាថាន់ និង​ លោក យ៉េន ម៉ៅ គឺជាពិធីករប្រចាំកម្មវិធី ដែលពួកគាត់គឺជាពិធីករដែលពូកែវោហាចាក់ទឹកមិនលិច រួមជាមួយនឹងការកំប្លិចកំប្លែងផងដែរ។

បើតាមអោយដឹងពីលោក នី ឬទ្ធី ដែលជាផលិតករបានប្រាប់មកកាន់ MSR Sport ថា៖ នេះគឺជាកម្មវិធីកីឡាដ៏ថ្មីស្រឡាងមួយរបស់ CTN ដែលនឹងធ្វើការចាក់ផ្សាយនៅសប្តាហ៍នេះ ដោយកម្មវិធីនេះនឹងនិយាយអំពីប្រវត្តិក្លឹបបាល់ទាត់, កីឡាករ​ និង រឿងពិតជាច្រើននៅក្នុងពិភពកីឡា។ ជាពិសេសយើងនឹងមានភ្ញៀវកិត្តិយសមកចូលរួមលេងហ្គេមកំសាន្តបែបកំប្លែងៗ ដែលធ្វើឲ្យទស្សនិកជនអស់សំណើចផងដែរ។

សម្រាប់សប្តាហ៍ដំបូងនេះ កម្មវិធី ឆ្ងាញ់ក្នុងសំណាញ់បាល់ទាត់ ឬក៏​ Fact Fun Football បានអញ្ជើញភ្ញៀវកិត្តិយសចំនួន២រូបផងដែរគឺលោក មួន សុគន្ធដារ៉ា ដែលប្រិយមិត្តរបស់​ Manchester United ដ៏ស្មោះស្ម៍គ្រមួយរូប ហើយនឹងលោក June ដែលអ្នកបង្កើតគេហទំព័រ Liverpool Fan ប្រចាំកម្ពុជា។

បើចង់ដឹងថាកម្មវិធីថ្មីនេះនឹងមានអ្វីប្លែក ឬក៏កំប្លែងយ៉ាងណា? កុំភ្លេច! នៅថ្ងៃសៅរ៍សប្តាហ៍នេះនាវេលាម៉ោង៨យប់ដល់ម៉ោង៩យប់ កម្មវិធី ឆ្ងាញ់ក្នុងសំណាញ់បាល់ទាត់ ឬក៏​ Fact Fun Football នឹងធ្វើការផ្សាយនៅលើកញ្ចក់ទូរទស្សន៍ CTN។

សម្រាប់សប្តាហ៍ទី២នេះវិញនឹងមានវត្តមានរបស់អ្នកចាំទីបងប្អូនទាំង២រូបគឺ អ៊ុំ​ វិចិត្រ និង អ៊ុំ សេរីរ័ត្ន ដែលនឹងចូលខ្លួនមកបំផ្ទុះសំណើចដល់កម្មវិធីផងដែរ។