បន្ទាប់ពីការប្រកួតបាល់ទាត់អង់គ្លេសសប្តាហ៍ទី២៤បានបញ្ចប់ទៅកាលពីយប់ថ្ងៃពុធព្រឹកថ្ងៃព្រហស្បតិ៍ ក្រុមការងារ Pi Pay Cambodia Fantasy ក៏បានរកឃើញបេក្ខជនទាំង៥រូបដែលមានពិន្ទុច្រើនជាងគេ។

ក្នុងនោះអ្នកលេខ១ទទួលពិន្ទុរហូតដល់៨១ ដឹកនាំដោយលោក Vannty Khuoy ហើយមូលហេតុដែលអ្នកលេខ១មានពិន្ទុច្រើនជាងគេបានដោយសារតែការដាក់ Super Triple Capitan យកកីឡាករ Arsenal Aubameyang ជាប្រធានក្រុម។

អ្នកលេខ២មានពិន្ទុចាញ់អ្នកលេខ១ចំនួន៤ពិន្ទុ ពោលគឺ៧៧ ស្របពេលដែលអ្នកលេខ២ក៍យកកីឡាករខ្សែប្រយុទ្ធ Arsenal Aubameyang ជាប្រធានក្រុមផងដែរ ហើយគួបផ្សំមានកីឡាករខ្សែប្រយុទ្ធក្លឹប Bournamouth King ទៀតនោះ ទើបក្រុមដែលដឹកនាំដោយលោក sie sokkea អាចទទួលោបានចំនួន៧៧ពិន្ទុជាប់ចំណាត់ថ្នាក់លេខ២។

អ្នកលេខ៣ដឹកនាំដោយលោក Kimsea Chea ដោយទទួលបានពិន្ទុ៧៧ ហើយកីឡាករដែលជួយឲ្យលោកបានពិន្ទុច្រើនជាងគេនោះគឺ Aubameyang របស់ Arsenal ដូចគ្នា។

អ្នកលេខ៤គឺដឹកនាំដោយលោក Kong Rithyda ដោយអាចទទួលបានពិន្ទុ៧៦ ដោយចាញ់អ្នកលេខ៣តែ១ពិន្ទុប៉ុណ្ណោះ ហើយលោកក៏បានជ្រើសរើសយកខ្សែប្រយុទ្ធ Arsenal Aubameyang ធ្វើជាប្រធានក្រុមដូចគ្នា។

ចុងក្រោយគឺអ្នកលេខ៥ ដឹកនាំក្រុមដោយលោក Sokmean Yim ដោយអាចរកបានពិន្ទុ៧៥ ហើយកីឡាករ Aubameyang របស់ Arsenal ដដែល ជាអ្នកចូលរួមចំណែករកពិន្ទុលោកអ្នកលេខ៥បានច្រើន ពោលគឺក្នុងសប្តាហ៍ទី២៤កន្លងមកនេះ អ្នកដែលជ្រើសរើសយក Aubameyang របស់ Arsenal ជាប្រធានក្រុមគឺកាក់កប់ហើយ៕