ក្រុមបាល់ទាត់ភ្នំពេញក្រោន មានសង្ឃឹមខ្ពស់ក្នុងការឡើងទៅកាន់វគ្គជាបន្តក្នុងពានរង្វាន់ AFC Cup 2023/2024 ក្រោយឈ្នះក្រុមហ្វីលីពីន Cebu ដោយលទ្ធផល ៤ទល់នឹង០ ក្នុងការប្រកួតទី៥ នៃពូល F នៅថ្ងៃព្រហស្បតិ៍ ទី៣០ ខែវិច្ឆិកា ឆ្នាំ២០២៣ នៅពហុកីឡដ្ឋានជាតិ។

ក្រុមជើងឯកលីគកំពូលកម្ពុជា បច្ចុប្បន្នស្ថិតនៅលេខ២ក្នុងពូល ស្មើពិន្ទុក្រុមអូស្ត្រាលី Macarthur ដែលមាន១២ពិន្ទុស្មើគ្នា តែក្រោនចាញ់ head-t0-head។

គិតពីក្រុមលេខ២ល្អក្នុងតំបន់អាស៊ានវិញ ភ្នំពេញក្រោនឈរលើគេ ដោយនាំមុខក្រុមម៉ាឡេស៊ី Terengganu ៣ពិន្ទុ និងលើស៦គ្រាប់ ខណៈក្រុមវៀតណាម Hai Phong ធ្លាក់ទៅហើយ។ ប្រកួតចុងក្រោយ ភ្នំពេញក្រោនត្រូវទៅផ្ទះរបស់ Shan United នៅថ្ងៃទី១៤ ខែធ្នូ៕