Lionel Messi ចង់ឱ្យ Inter Miami ផ្ទេរយក Luka Modric ក្នុងឆ្នាំ ២០២៤ បន្ទាប់ពីកិច្ចសន្យារបស់គេនៅ Real Madrid ផុតកំណត់។

អតីតខ្សែប្រយុទ្ធក្រុម Real Madrid លោក Pedja Mijatovic បាននិយាយថា Inter Miami កំពុងខិតជិតក្នុងការផ្ទេរ Modric តាមការលើកឡើងរបស់ Messi ។ បច្ចុប្បន្នក្លិបអាមេរិចខ្វះខ្សែបម្រើប្រយុទ្ធលំដាប់ខ្ពស់ ហើយ Messi ជឿជាក់ថាតារាក្រូអាតគឺជាដំណោះស្រាយដ៏ត្រឹមត្រូវ។

Mijatovic បាននិយាយនៅលើ Cadena Ser កាលពីថ្ងៃទី០១ ខែតុលាថា “Modric បានទទួលការផ្តល់ជូនពីក្លឹបអាមេរិកជាច្រើន និងពី Inter Miami ជាពិសេស។ នៅប្រទេសក្រូអាត ប៉ុន្មានថ្ងៃមុន Modric បានជួប David Beckham ហើយពួកគេបានចេញទៅញ៉ាំអាហារជាមួយគ្នា។”

បន្ទាប់ពីការបង្ហាញខ្លួនរបស់ Jude Bellingham នៅរដូវកាលនេះ Modric លែង​លេង​ជា​ប្រចាំ​ឲ្យ Real ទៀត​ហើយ។ ខ្សែបម្រើវ័យ៣៨ឆ្នាំរូបនេះលេងបានត្រឹមតែ ២០៥ នាទីប៉ុណ្ណោះនៅដើមរដូវកាលថ្មី។ ដូច្នេះហើយ Real ចែកផ្លូវ Modric នៅខែកក្កដា ឆ្នាំ២០២៤ នៅពេលដែលកុងត្រានឹងផុតកំណត់។ ក្នុងករណីនេះ Inter Miami អាចផ្ទេររូបគេដោយឥតគិតថ្លៃ៕