Liverpool អស់៤លានផោនទៀតដោយសារ Nunez
Liverpool ត្រូវចំណាយ៤លានផោនដល់ Benfica ក្រោយ Darwin Nunez លេងបាន៦៦នាទីក្នុងការប្រកួតឈ្នះ Rangers ១ទល់នឹង៧ ក្នុងពានរង្វាន់ UEFA Champions League។
ក្នុងកិច្ចសន្យានៃការផ្ទេរខ្សែប្រយុទ្ធអ៊ុយរុយហ្គាយទៅ Anfield អំឡុងទីផ្សារដោះដូររដូវក្ដៅកន្លងទៅ មានលក្ខខណ្ឌមួយចែងថា ក្រុមហង្សក្រហមត្រូវចំណាយ៤លានផោនទៀត ពេល Nunez លេងបាន១០ប្រកួត។
Liverpool បានព្រមព្រៀងលើតម្លៃ៨៥លានផោនជាមួយ Benfica តែដំបូងបង់៦៥លានផោនសិន ហើយលុយនៅសល់ផ្សេងទៀតត្រូវចាយសម្រាប់លក្ខខណ្ឌបន្ថែម។
Benfica នឹងទទួលបាន៨លាន៥សែនផោនថែមទៀតពេល Nunez លេងបាន៦០ប្រកួតឲ្យ Liverpool៕
