ខ្សែបម្រើសម្បូរបទពិសោធ ប្រាក់ មុន្នីឧត្តម និងកីឡាករវ័យក្មេងរូបទៀត គឺ គី រីណា, មិន រតនៈ, សឿត ណាវ៉ា និងជា សុខម៉េង មិនបានជាប់បញ្ជី២៣នាក់ចុងក្រោយក្រុមបាល់ទាត់ជម្រើសជាតិកម្ពុជា សម្រាប់ជំនួបមិត្តភាពជាមួយទីម័រខាងកើត និង​ជម្រុះ AFC Asian Cup 2023 នេះទេ។

អ្នកទាំង៥បានចូលរួមការហ្វឹកហាត់ជាមួយសមាជិកឯទៀតប៉ុន្មានថ្ងៃកន្លងមកនេះ តែមិនស្ថិតក្នុងជម្រុះ២៣នាក់ចុងក្រោយឡើយ។

គួរដឹងដែរថា កម្ពុជាត្រូវប៉ះទីម័រខាងកើតនៅថ្ងៃព្រហស្បតិ៍ ទី០២ ខែមិថុនា នេះវេលាម៉ោង០២រសៀល នៅពហុកីឡដ្ឋានជាតិមរតកតេជោ។

ចប់ពីការប្រកួតនេះទៅ កម្ពុជានឹងហោះទៅឥណ្ឌា នៅថ្ងៃសៅរ៍ ទី០៤ ខែមិថុនា សម្រាប់វគ្គជម្រុះ AFC Asian Cup 2023 ដែលចាប់ផ្ដើមពីថ្ងៃទី០៨ ខែមិថុនា៕