អ្នកគាំទ្រក្រុម Paris St Germain បានធ្វើការអបអរយ៉ាងរីករាយ ក្រោយពីក្រុមចាយលុយធំបារាំងនេះ បានឈ្នះជើងឯកក្របខណ្ឌ Ligue 1 រដូវកាល ២០២១–២២ ។

ជ័យជំនះនេះបានធ្វើអោយ អ្នកគាំទ្ររបស់ពួកគេ មានការសប្បាយចិត្តជាខ្លាំង ដោយបានធ្វើការអបអរនៅក្រៅកីឡដ្ឋាន Parc des Princes ដូចជា ការច្រៀងចម្រៀងរបស់ក្លិប ការរាំរែក គ្រវីទង់ជាតិរបស់ក្លិប រួមទាំងមានការបាញ់កាំជ្រួចផងដែរ។

ប៉ុន្តែនៅមានអ្នកគាំទ្រមួយចំនួន នៅមិនទាន់ពេញចិត្តផងដែរ ដោយសារ ក្រុមដែលកំពុងដឹកនាំដោយគ្រូបង្វឹកជនជាតិអាហ្សង់ទីនMaurico Pochettino បានធ្លាក់ចេញពីពានរង្វាន់ UEFA Champions League ត្រឹមវគ្គ១៦ក្រុមចុងក្រោយ ក្រោមថ្វីជើង Real Madrid កាលពីពេលកន្លងទៅ។

ទោះយ៉ាងណាក៏ដោយ ជាមួយ សមិទ្ធផលខាងដើម Paris St Germain បាន តាម ស្មើ កំណត់ ត្រា ពិសេស របស់ ក្រុម Saint-Étienne ក្នុង នាម ជា ក្រុម ឈ្នះ ជើងឯក Ligue 1 ច្រើន ជាងគេ ក្នុង ប្រវត្តិសាស្ត្រ ពោល គឺចំនួន ១០ លើក ដូច គ្នា ៕

– The Nightmare