យោងតាមសារព័ត៌មាន Dean Jones បានអោយដឹងថាកីឡាករ Declan Rice ជឿជាក់ថា រូបគេនឹងផ្លាស់ទៅលេងនៅក្លឹបតោខៀវ Chelsea នៅរដូវដោះដូរកីឡាករខាងមុខនេះ។ Rice បច្ចុប្បន្ននៅតែជាកីឡាករ West Ham បើទោះបីជាត្រូវបានគេទាក់ទងយ៉ាងខ្លាំងជាមួយនឹងការផ្លាស់ប្តូរទៅ Chelsea ដែលជាកន្លែងដែលរូបគេបានចំណាយពេលនៅក្នុងសាលាយុវជនមុនពេលធ្វើដំណើរទៅកាន់ ក្រុមញញ៉ូរយក្ស កាលពីអាយុ ១៤ ឆ្នាំ។

របាយការណ៍បានបង្ហាញថា ក្រៅពីតោខៀវចាប់អារម្មណ៍ ក៏មានក្លិបជាច្រើនទៀតចង់បានកីឡាករជម្រើសជាតិអង់គ្លេសរូបនេះផងដែរ ដូចជា ក្លឹប Manchester United,និង Liverpool ជាដើម, តែទោះបីជាយ៉ាងណា Chelsea ក្រោមការដឹកនាំដោយលោក Thomas Tuchel និងត្រៀមចំណាយលុយ ១០០លានផោន ដើម្បីទិញកីឡាករវ័យ២២ឆ្នាំ មកកាន់ទឹកដី Stamford Bridge ឲ្យបាន។ គួររំលឹកថា កិច្ចព្រមព្រៀងរវាង Declan Rice និង West Ham នៅសល់សុពលភាពរហូតដល់ឆ្នាំ ២០២៤ ប៉ុន្តែកិច្ចសន្យាមានជម្រើសបន្ត ១២ ខែទៀត៕