កីឡាករ Mitchell van Bergen របស់ Reims បានឈររង់ចាំ Lionel Messi ដែលកំពុង​ថតរូបជាមួយកូនប្រុសអ្នកចាំទី Predrag Rajkovic។ Bergen ចង់សុំអាវរបស់ Messi ដើម្បីជាអនុស្សាវរីយ៍។

មិនបានដូចបំណងឡើយ Messi មិនអាចផ្ដល់អាវនោះបានទេ ព្រោះជាអាវប្រកួតដំបូងរបស់​គេក្នុងនាមជាកីឡាករ Paris Saint Germain។

Messi បានពន្យល់ទៅកាន់ Bergen ពីរឿងនេះដែរ ហើយកីឡាករហូឡង់រូបនេះក៏ទម្លាក់លើបណ្ដាញសង្គមរបស់ខ្លួន។

ទោះមិនបាន​ផ្ដល់អាវតាមសំណូមពរ Messi បានទទួលសំណើថតរូបជាមួយកីឡាករ Reims។ គេក៏ផ្ដល់ហត្ថលេខាដល់អ្នកគាំទ្រក្រុមម្ចាស់ផ្ទះ Reims ថែមទៀត។

គួររំឭកថា Messi បាន​ប្ដូរចូល​ជំនួស Neymar ក្នុងជំនួបក្របខណ្ឌកំពូលបារាំង កាលថ្ងៃអាទិត្យ ទី២៩ ខែសីហា ដែល Paris Saint Germain ឈ្នះ Reims ០ទល់នឹង២៕