(BC-99)

ទីបំផុតទៅ​ក្រុម​អធិរាជស Real Madrid បាន​ចូល​ខ្លួន​មក​ជ្រៀតជ្រែក​ផែនការរបស់ Barcelona សម្រាប់ការ​ចង់​បាន​ខ្សែការពារ Eric Garcia ដែល​បច្ចុប្បន្ន​កំពុង​តែ​លេង​ឱ្យ​ក្រុមមេឃខៀវ​ Manchester City ។

ក្រោយ​ពី​បញ្ចប់​កិច្ចសន្យានៅខែមិថុនាខាង​មុខ​នេះ Garcia មិនបានលាក់​បាំងអ្វី​ទេនូវ​គោល​បំណង​របស់​ខ្លួន​ដែល​ចង់វិលត្រឡប់ទៅ Barca វិញ។អ្នកចាត់ការទូទៅ​មេឃខៀវ Pep Guardiola ហាក់​ដូច​ជា​មាន​ជម្រើស​ផ្សេង​ពី Garcia នៅ Man City ដែល​នេះ​អាច​ជា​មូល​ហេតុ​មួយ​ដែរ​ដែល​ធ្វើ​ឱ្យខ្សែការពារ អេស្ប៉ាញ វ័យ​១៩​ឆ្នាំ​រូប​នេះ​ចង់​ចាក​ចេញ​។

ក៏​ប៉ុន្តនាពេល​ថ្មីៗ​នេះ​ក្រុមដែល​មាន​មូលដ្ឋន​នៅ​កាតាឡាន់អាចប្រឈមមុខនឹងការប្រកួតប្រជែងពីក្រុម Real Madrid ដែលពួកគេក៏បាន​មើលឃើញដែរ​ថាកីឡាករវ័យក្មេងនេះគឺជាអ្នកស្នងតំណែងដ៏មានសក្តានុពលជំនួស​ខ្សែ​ការពារ​ជើងចាស់ Sergio Ramos ។

បើ​តាមរបាយការណ៍ពី​ប្រទេស​អេស្ប៉ាញ​បាន​ឱ្យ​ដឹង​ថា​ Garcia ដែល​កំពុងឋិតក្នុង​ក្រុមជម្រើសជាតិ​​បានប្រាប់មិត្តភក្តិថាគេ​មានគម្រោងត្រលប់មក​ Barcelona វិញមិននៅខែមករារឺនៅរដូវក្តៅខាងមុខដោយគ្មាន​តម្លៃ​ក្នុង​ការផ្ទេរនោះ​ទេ។​