Olivier Giroud បានបង្ហើបថា ធ្លាប់ច្រានចោលឱកាសចូលរួមជាមួយ Lyon កាលខែមករា ឆ្នាំ២០២០ ដោយសារមិនចូលចិត្ត Karim Benzema ។

ក្នុងកិច្ចសម្ភាសតាមរយៈសៀវភៅជីវប្រវត្តិផ្ទាល់ខ្លួន Giroud បានបដិសេធនឹងការចុះកុងត្រាឲ្យក្លិបដើមរបស់ Benzema មួយនេះ ដោយសារមិនចង់ឲ្យពាក់ព័ន្ធគ្នា។

ខ្សែប្រយុទ្ធ Chelsea បាននិយាយអំពីការផ្តល់ជូនយ៉ាងសមរម្យពី Lyon បែបនេះ “៖ពិតជាអាចពិចារណាទទួលយកបាន ប៉ុន្តែខ្ញុំមិនចង់មានរឿងពាក់ព័ន្ធជាមួយគេទេ។”

តាមពិទៅ Benzema និង Giroud មិនដែលធ្វើជាមិត្តភក្ដិនឹងគ្នាទេតាំងពីដើមមក ហើយ ការជជែកដេញដោលជុំវិញការប្រជែងរវាងពួកគេចំពោះអាវលេខ ៩ របស់បារាំងដែរ។

គួរដឹងដែរថា Karim Benzema ត្រូវបានដកចេញពីជម្រើសជាតិបារាំងច្រើនឆ្នាំមកហើយ ក្រោយពាក់ព័ន្ធនឹងរឿងអាស្រូវផ្លូវភេទ។ ខ្សែប្រយុទ្ធ Real Madrid រូបនេះដុះដាលចេញពីថ្នាល Lyon ពីឆ្នាំ១៩៩៧ដល់២០០៥ និងលេងក្រុមធំក្លិបនេះពីឆ្នាំ២០០៥ដល់២០០៩ពេលគេផ្លាស់ទៅអេស្ប៉ាញ៕