គ្រូបង្គោលក្រុមបាល់ទាត់ជម្រើសជាតិម៉ាឡេស៊ី លោក Tan Cheng Hoe យល់ឃើញថា ជារឿងល្អដែលព្រឹត្តិការណ៍ AFF Suzuki Cup 2020 ត្រូវបានពន្យារពេល ព្រោះលោកមានពេលគ្រប់មានពេលគ្រប់គ្រាន់ដើម្បីផ្តោតលើការប្រកួតជម្រុះ FIFA World Cup 2022។

លោក Tan បានប្រាប់សារព័ត៌មានថា“ ខ្ញុំគិតថា វាជាការសម្រេចចិត្តវិជ្ជមាន ពីព្រោះរោគរាតត្បាតកូវីដ១៩នៅក្នុងតំបន់កំពុងមានភាពស្មុគស្មាញ។ ក្រុមជម្រើសជាតិម៉ាឡេស៊ីអាចផ្តោតអារម្មណ៍របស់ពួកគេទៅលើការប្រកួតនៅសល់ ៣ ប្រកួតទៀតនៃវគ្គជម្រុះ FIFA World Cup 2020 នៅដំណាច់ឆ្នាំនេះ។ ប្រសិនបើ AFF Cup នៅតែត្រូវបានរៀបចំដូចការគ្រោងទុក ខ្ញុំខ្លាចតែកីឡាករប្រឈមនឹងគ្រោះថ្នាក់ខ្ពស់ជាងនេះ។ វាជារឿងអាក្រក់ហើយគ្មាននរណាម្នាក់ចង់បានវាទេ។”

បន្ទាប់ពីកិច្ចប្រជុំគណៈកម្មាធិការអាសន្ននៃសហព័ន្ធកីឡាបាល់ទាត់អាស៊ីអាគ្នេយ៍ (AFF) នៅរសៀលថ្ងៃទី ៣០ ខែកក្កដា សំណើសូមពន្យារពេលពានរង្វាន់ AFF Cup ២០២០ ដល់ខែមេសាឆ្នាំ ២០២១ ត្រូវបានយល់ព្រមបញ្ជូនទៅក្រុមប្រឹក្សា AFF ។ ភ្លាមៗបន្ទាប់ពីនោះ អ្នករៀបចំកម្មវិធីបានប្រកាសថា ការប្រកួតត្រូវបានពន្យារពេលដល់ឆ្នាំ ២០២១ ប៉ុន្តែមិនបានបញ្ជាក់ពីពេលវេលាជាក់លាក់ទេ។

លោក Tan បាននិយាយថា ផែនការរបស់គាត់គឺផ្តល់ឱ្យកីឡាករនូវការសម្រាក និងត្រលប់ទៅរកភាពរឹងមាំខាងកាយសម្បទា មុនប្រកួតវគ្គជម្រុះ World Cup ឆ្នាំ ២០២២ បន្តនៅខែតុលា និងវិច្ឆិកា។ លោកថា កាលវិភាគបច្ចុប្បន្នគឺល្អណាស់។ ការប្រកួតជើងឯកជាតិម៉ាឡេស៊ី (M.League) នឹងបន្តនៅខែក្រោយ ហើយកីឡាករត្រូវការសម្រាកដើម្បីមានការរៀបចំល្អបំផុត។

យោងតាមកាលវិភាគ ម៉ាឡេស៊ីធ្វើជាភ្ញៀវនៅផ្ទះអារ៉ាប់រួមនៅថ្ងៃទី០៨ ខែតុលា មុនធ្វើម្ចាស់ផ្ទះទទួលក្រុមវៀតណាម០៥ ថ្ងៃបន្ទាប់។ ប្រកួតចុងក្រោយគឺជាមួយថៃនៅថ្ងៃទី ១៧ ខែវិច្ឆិកា។

ក្នុងពូល G វៀតណាមកំពុងនាំមុខដោយមាន ១១ ពិន្ទុ។ ម៉ាឡេស៊ីនៅលំដាប់ទីពីរមាន៩ពិន្ទុ៕