ភ្នំពេញក្រោនជាក្លិបដែលនាំចូលកីឡាករខ្មែរលេងក្រៅប្រទេសច្រើនជាងគេ
ភ្នំពេញក្រោនជាក្លិបបាល់ទាត់ដែលនាំយកកីឡាករកូនខ្មែរលេងក្រៅប្រទេសច្រើនជាងគេដើម្បីមកចូលរួមលេងនៅទឹកកម្ពុជា ដោយបច្ចុប្បន្នមានកីឡាករកូនកាត់ខ្មែរបារាំងចំនួន៤នាក់ហើយ បន្ទាប់ពីទើបចុះកុងត្រានាំចូលកីឡាករបន្ថែមថ្មីម្នាក់ទៀត ខណៈ៣នាក់ទៀតបានចុះកុងត្រាតាំងពីមុនបើករដូវកាលថ្មី ។
កីឡាករចំណូលថ្មីកូតកាត់ខ្មែរ-បារាំង គឺកីឡាករ សេង សារ៉ាវុធ ដែលរូបគេនឹងលេងក្នុងតំណែងជាខ្សែបម្រើប្រយុទ្ធ ក្នុងក្រុមជាមួយកីឡាករកូនខ្មែរកាត់បារាំងបីនាក់ទៀតមាន វ៉ា សុខថន , Thomas Sam Sochenn និង Owen Pich ។
នេះមិនមែនលើកទីមួយទេដែលក្លិបជើងឯកលីហ្គកំពូលកម្ពុជា៦សម័យតែងតែនាំយកកីឡាករកូនខ្មែរ មកពីក្រៅប្រទេសដោយកន្លងមកមានកីឡាករកូនខ្មែរកើតនៅបារាំងរឺកូនខ្មែរកាត់បារាំងមកចូលរួម មកហើយដូចជា ធារី ចន្ថាប៊ីន , កុក បូរីស , កួច ដានី , ស្រី ដានី , អាឡិច យូ (បឹងកេតបច្ចុប្បន្ន) ។