Juventus ត្រូវបានកាត់១០ពិន្ទុជាថ្មីបន្ទាប់ពីសវនាការថ្មីលើកិច្ចព្រមព្រៀងផ្ទេរកន្លងមករបស់ក្លិប។

ដំបូងឡើយ Juve ត្រូវបានកាត់១៥ពិន្ទុក្នុងខែមករា ឆ្នាំ២០២៣ ប៉ុន្តែតុលាការកីឡាកំពូលរបស់អ៊ីតាលីបានបដិសេធការសម្រេចចិត្តនោះក្នុងខែមេសា ហើយបានបញ្ជាឱ្យពិនិត្យករណីនេះឡើងវិញ។

សេចក្តីសម្រេចថ្មីត្រូវបានប្រកាសកាលពីថ្ងៃចន្ទ មុនពេលក្រុមចាញ់ ៤-១ នៅដី Empoli ។

ការ​ពិន័យ​នេះ​បាន​ទម្លាក់ Juve មក​ឈរ​នៅ​លេខ​រៀង​ទី​៧​ក្នុង​ក្រប​ខណ្ឌ Serie A ក្រៅ​ពី​កៅអី​ជម្រុះ​អឺរ៉ុប។

Napoli បាន​ឈ្នះ​ពានលីគកំពូល Serie A រួច​ហើយ ហើយ​មុន​ការ​សម្រេច​ចិត្ត​កាល​ពី​ថ្ងៃ​ចន្ទ ក៏មាន ១៧ ពិន្ទុ​នាំ​មុខ​ក្រុម​លេខ ២ Juventus។

លោក Massimiliano Allegri គ្រូបង្គោលក្រុម Juventus បាននិយាយថា “វាជាស្ថានភាពចម្លែកមួយ គឺ១០នាទីមុនពេលការប្រកួត ការក៏មានប្រកាសសាលក្រម។”

កាលពីខែមេសា សាលាក្តីនៅគណៈកម្មាធិការអូឡាំពិករបស់ប្រទេសអ៊ីតាលី (CONI) បានលុបចោលការកាត់១៥ពិន្ទុរបស់ Juve ពីតុលាការឧទ្ធរណ៍របស់សហព័ន្ធបាល់ទាត់អ៊ីតាលី (FIGC)៕