មកដឹងចំនួនក្រុមដែលអាចឡើងពីពានសម្ដេចតេជោថ្នាក់ខេត្តទៅកាន់វគ្គបន្ត
ការប្រកួតបាល់ទាត់ពានរង្វាន់ សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត រដូវកាល២០២៣ ដែលបានចាប់ផ្ដើមដំណើរការពីថ្ងៃទី២៨ ខែមីនា ដល់ថ្ងៃទី០៧ ខែតុលា ឆ្នាំ២០២៣ ដោយមាន២០ក្រុមចូលរួម។
សម្រាប់ការប្រកួតរដូវកាល២០២៣នេះក៏មិនខុសពីរដូវកាលមុនដែរ គឺក្រុមចំនួន៤ ពោលក្រុមជើងឯក, ជើងឯករង, ក្រុមចំណាត់ថ្នាក់លេខ៣ និងក្រុមចំណាត់ថ្នាក់លេខ៤ នឹងទទួលបានកៅអីទៅកាន់ការប្រកួតដំណាក់កាលជម្រុះថ្នាក់ជាតិ ដោយត្រូវប៉ះក្រុមនៅក្របខណ្ឌ Cambodian League 2។
ប្រសិនមិនមានអ្វីប្រែប្រួល ក្រោយចប់ការប្រកួតដំណាក់កាលជម្រុះថ្នាក់ជាតិ ក្រុមចំនួន៨នឹងឡើងទៅកាន់ការប្រកួតដំណាក់កាលថ្នាក់ជាតិ ដែលចាប់ផ្ដើមពីវគ្គ១៦ក្រុមតទៅ។ ការប្រកួតថ្នាក់ជាតិគ្រោងនឹងបញ្ចប់ក្នុងខែឧសភា ឆ្នាំ២០២៤។
គួរដឹងដែរថា ក្នុងចំណោម២០ក្រុមក្នុងការប្រកួតដំណាក់កាលថ្នាក់ខេត្ត ត្រូវបានបែងចែកជា៤ពូល គឺពីពូល “ក” ដល់ពូល “ឃ” ខណៈភ្នំពេញហ្គាឡាក់ស៊ីជាក្រុមការពារតំណែងជើងឯកថ្នាក់ខេត្តនេះកាលពីឆ្នាំ២០២២៕
