Embolo ស៊ុតចូលឲ្យស្វីសឈ្នះកាមេរូន តែមិនអបអរ ព្រោះហេតុផលនេះ
ខ្សែប្រយុទ្ធជម្រើសជាតិស្វីស Breel Embolo មិនបានអបអរសាទរគ្រាប់បាល់របស់គេក្នុងសំណាញ់កាមេរូនឡើយ។
គេបានទាត់បញ្ចូលទីគ្រាប់ជ័យជម្នះ១ទល់នឹង០របស់ស្វីសលើកាមេរូនក្នុងនាទី៤៨។ ប៉ុន្តែគេមិនបានអបអរឡើយ ព្រោះគេមានកំណើតនៅកាមេរូននេះតែម្ដង។ 
កីឡាករវ័យ២៥ឆ្នាំកើតនៅរដ្ឋធានី Yaoundé ប្រទេសកាមេរូន តែក្រោយមកបានផ្លាស់ទៅបារាំងជាមួយម្ដាយមុនបន្តទៅរស់នៅរដ្ឋធានី Basel ប្រទេសស្វីស។ គេជាប់ជម្រើសជាតិស្វីសក្នុងឆ្នាំ២០១៥៕
