មានអ្នកគាំទ្រជាច្រើនចង់អោយអ្នកលេងកែងគុនខ្មែរ វៀត ប៊ុនឌឿន សាកល្បងក្បាច់គុនជាមួយ ជើងខ្លាំងចាស់វស្សារបស់ថៃ ទួនប៉េ ស៊ីតសាមផ្យាក់ ដែលមកស្រុកខ្មែរច្រើនលើករួចមកហើយ ចាញ់ត្រឹមតែពីរដងតែប៉ុណ្ណោះ ។

វៀត ប៊ុនឌឿន និង ទួនប៉េ

អ្វីដែលបងប្អូនចង់ឃើងនឹងឈានមកដល់នៅថ្ងៃអាទិត្យ ទី ១៦ ខែ ធ្នូ ខាងមុខនេះក្នុងកម្មវិធីស្រាសាច់ ដុំចាប់ពីម៉ោង ២:៣០ រសៀល នាសង្វៀន ស៊ី អ៊ិន ស៊ី ឬស្សីកែវ ដោយ វៀត ប៊ុនឌឿន ត្រូវជួបអ្នក ប្រដាល់ថៃ ទួនប៉េ គូមិត្តភាពអន្តរជាតិ ។

វៀត ប៊ុនឌឿន និង ភេតណាំអេក

សម្រាប់អ្នកលេងកែងគុនខ្មែរខេត្តប៉ៃលិនប៉ុន្មានប្រកួតចុងក្រោយនេះគេបានផ្តួលកីឡាករថៃអោយ សន្លប់ជាបន្តបន្ទាប់ ខណៈកីឡាករស្បែកស្វឹតខេត្តបុរីរ៉ាំ ធ្លាប់ចាញ់តែកីឡាករ ឡុង សំណាង និង ថុល មករា ពីររូបនេះតែប៉ុណ្ណោះ ប៉ុន្តែគេបានឈ្នះកីឡាករខ្មែរជាច្រើនដូចជា ឃីម បូរ៉ា , វេង សុភ័ក្រ , ទេស ជីវ៉ា , លី ភា ជាដើម ហើលក៏ធ្លាប់ស្មើ ឡុង សំណាង វិញនៅថ្ងៃបុណ្យអ៊ុំទូកផងដែរ ៕

ទួនប៉េ និង លី ភា