ខ្សែ​បម្រើ Luka Modric ត្រូវ​បាន​ប្រកាស​ជា​ម្ចាស់​ឈ្នះ​ពាន​កីឡាករ​ល្អ​ជាង​គេ​នៅ​អឺរ៉ុប​សម្រាប់​រដូវ​កាល​២០១៧-១៨ ក្រោយ​នាំមុខ​អតីត​មិត្ត​រូម​ក្រុម Cristiano Ronaldo ៩០​ពិន្ទុ និង​​ Mohamed Salah ១៧៩​ពិន្ទុ។

តាម​ការ​ចេញ​បញ្ជី​​តារាង​ពិន្ទុ​របស់ UEFA ​សម្រាប់​កីឡាករ​ល្អ​ជាង​គេ​នៅ​អឺរ៉ុប​ឃើញ​ថាសមាជិករបស់ Real Madrid ទទួល​បាន​៣១៣​ពិន្ទុ ខណៈ Ronaldo បាន​២២៣ និង Salah បាន​១៣៤​ពិន្ទុ។

ដោយឡែកការ​បោះឆ្នោត​​ជ្រើសរើស​នេះ​កើត​ចេញ​ពី​គ្រូ​​បង្វឹក​ទាំង​៨០​ដែល​​ចូល​រួម​ប្រកួត​នៅ UEFA Champions League ចាប់​ពី​វគ្គ​ចែក​ពូក​មាន​៣២​នាក់ និង UEFA Europa League មាន​៤៨​នាក់កាលពីរដូវ​កាល​មុន​។ សម្រាប់​អ្នក​កាសែត​៥៥​នាក់​ដែល​ជ្រើសរើស​ដោយ European Sports Media  ក៏​មាន​សិទ្ធិ​ចូលរួម​ដែរ។

Luka Modric ជាសមាជិកដ៏សំខាន់មួយរូបដែលជួយ Real Madrid ឈ្នះ​ពាន UEFA Champion League ៣​រដូវ​កាល​ជាប់​គ្នា។