ដៃភ្លើងជើងរន្ទះ រឿង សោភ័ណ្ឌ បានបង្ហើបពីយុទ្ធសាស្ត្រ ដែលអាចផ្តួលជើងខ្លាំង វង្ស វិឆ័យ បានសម្រេចក្នុងការប្រកួតលើកទី២ នាសង្វៀន CNC កាលពីថ្ងៃ សៅរ៍ ចុងសប្ដាហ៍កន្លងទៅ ។ ដោយសារលើកទី២ នេះ វង្ស វិឆ័យ មានបំណងចង់ផ្តួលខ្លួនអោយសន្លប់ ទើបម្ចាស់ខ្សែក្រវាត់៨គ្រឿងរូបនេះ ត្រៀមប្រើកណ្តាប់ដៃឆ្វេងរបស់ខ្លួនអោយធ្ងន់ជាងការប្រកួតលើកទី១ ពោលព្យាយាមវ៉ៃមួយៗ ប៉ុន្តែប្រើកម្លាំងខ្លាំង នេះជាយុទ្ធសាស្ត្ររបស់ រឿង សោភ័ណ្ឌ ...

  អ្នកប្រដាល់គុនខ្មែរ វង្ស ណយ បានប្រកាសលើបណ្ដាញសង្គមផ្ទាល់ខ្លួនថា រូបគេបានសម្រេចលាឈប់ពីអាជីពប្រដាល់គុនខ្មែរហើយ ក្រោយប្រឡូកជាង១០ឆ្នាំគ្មានសល់អ្វី ។ កូននាគបានបញ្ជាក់ថា (ខ្ញុំលាឈប់ពីប្រដាល់ហើយបងប្អូន) ខ្ញុំវៃយូរណាស់ហើយ ល្បីតែឈ្មោះ គ្មានសល់អីទេ ពេលនេះខ្ញុំអស់កម្លាំងវ៉ៃទៀតហើយ ទើបខ្ញុំសម្រេចចិត្តឈប់វៃនៅពេលនេះ ព្រោះខ្លាចពិការ ខានបានរកស៊ីចិញ្ចឹមកូន ។បើខ្ញុំពិការទៅគ្មានអ្នកណាចិញ្ចឹមកូនខ្ញុំទេ (ជួយគាំទ្រគងៀតក្របីខ្ញុំផងបងប្អូន) សូមបញ្ជាក់ថា មួយរយៈចុងក្រោយនេះការប្រកួតរបស់អ្នកលេងកែង រូបនេះ តែងតែទទួលការរិះគន់ពីអ្នកគាំទ្រដោយសារសន្លប់ជាបន្តបន្ទាប់ ចុងក្រោយចាញ់ យាម ខេមរា ...

កូនស្រីតែម្នាក់របស់កំពូលអ្នកប្រដាល់គុនខ្មែរ អេ ភូថង គឺកីឡាការិនីគុនខ្មែរ អេ យ៉ានុត បានរៀបចំពិធីភ្ជាប់ពាក្យជាមួយគូអនាគតនៅថ្ងៃទី ០៩ ខែ កក្កដា ឆ្នាំ ២០២០ នេះហើយនាគេហដ្ឋានរបស់ខ្លួនផ្ទាល់ ។ ក្រោយពីបានស្វែងយល់ចិត្តគ្នា អស់រយៈពេលជាយូរឪពុកម្នាយទាំងសងខាងបានឯកភាពដើម្បីរៀបចំពិធីភ្ជាប់ពាក្យតាមប្រពៃណីខ្មែរមុនឈានដល់ការរៀបអាពាហ៍ពិពាហ៍នាពេលខាងមុខ ។ កូនប្រុសដែលត្រូវជាអនាគតស្វាមីរបស់អ្នកប្រដាល់គុនខ្មែររូបនេះមានឈ្មោះថា លៀង ប៉ហេង ដែលប្រភពសិតស្និតបានបង្ហើបថាជាអ្នកបំរើការងារក្នុងក្របខណ្ឌមន្ត្រីនរគបាលជាតិទៀតផង ។ កីឡាការិនី អេ យ៉ានុត ធ្លាប់មានបទពិសោធច្រើនក្នុងវិស័យកីឡាប្រដាល់ដែលស្នងពីឪពុករបស់ខ្លួនដោយធ្លាប់ចេញទៅប្រកួតនៅលើឆាកអន្តរជាតិ ...

មុនការប្រកួតឈ្នះ លី រិទ្ធី កាលពីចុងសប្តាហ៍មានព័ត៌មានបែកធ្លាយថានាយសង្ហាគុនខ្មែរ ឡៅ ចន្ទ្រា នឹងផ្អាករឺអាចឈានដល់ការឈប់ឡើងសង្វៀនប្រកួត ដោយសារតែមានការរិះគន់ពីអ្នកគាំទ្រ ច្រើន ទាក់ទងទៅនឹង ទម្រង់ការប្រកួតរបស់គេធ្លាក់ចុះ ។ សម្រាប់រឿងរ៉ាវនេះអ្នកប្រដាល់ដើមកំណើតខេត្តកពង់ស្ពឺបានប្រាប់ MSR SPORT ថា វាមិនមែន ជាការពិតនោះទេ រូបគេនៅតែបន្តហ្វឹកហាត់ត្រៀមការប្រកួតជាបន្តបន្ទាប់ ដោយមិនមានការនិយាយ ថាឈប់រឺក៏ផ្អាកឡើងសង្វៀនអ្វីឡើយ ។ សូមបញ្ជាក់ថា មួយរយៈចុងក្រោយដែលកម្មវិធីប្រកួតតាមសង្វៀនៗរៀបចំការប្រកួតលក្ខណៈគុនខ្មែរ ប៉ះគុនខ្មែរ មិនទាន់មានកីឡាកររូបណាអាចយកឈ្នះលើកូនសិស្សរបស់លោក ...

ទីបំផុតម្ចាស់ខ្សែក្រវាត់មាស អធិរាជគុនខ្មែរ ISI PALM – ISI PIPE បានរកឃើញម្ចាស់ហើយគឺកីឡាករ អេលីត ចំរើន បន្ទាប់ពីយកឈ្នះកីឡាករ វ៉ាន់ វឿន នាសង្វៀន PNN ។ ការតស៊ូជាមួយគ្នាយ៉ាងកក្រើកត្រឹមទឹកទី៤ ការទាត់ផ្ទួនៗ របស់ ចំរើន ធ្វើអោយ វាន់ វឿន របួសដៃមិនអាចតស៊ូបានដោយបោះបង់ការប្រកួតតែម្តង ។ ម្ចាស់ខ្សែក្រវាត់មាសរដូវកាលទី២នេះ ...