Marco Reus នឹងចាកចេញពី Borussia Dortmund នាដំណាច់រដូវកាលនេះហើយ ពេលកិច្ចសន្យារបស់គេផុតសុពលភាព។ ខ្សែប្រយុទ្ធអាល្លឺម៉ង់រូបនេះរកបាន១៦៨គ្រាប់ពីការចូលលេង៤២៤លើក តាំងពីផ្លាស់ពី Borussia Mongchengladbach ក្នុងឆ្នាំ២០១២មក។ កីឡាករវ័យ៣៤ឆ្នាំបានចំណាយពេល៩ឆ្នាំក្នុងក្រុមយុវជនរបស់ Dortmund មុនចេញទៅ Mongchengladbach៕  

កញ្ញា Sabrina Wittmann បានសាងប្រវត្តិសាស្ត្រក្នុងកីឡាបាល់ទាត់អាល្លឺម៉ង់ ដោយបានក្លាយជាគ្រូបង្វឹកភេទស្រីដំបូងក្នុងបាល់ទាត់បុរស។ ស្ត្រីវ័យ៣៣ឆ្នាំបានចុះកិច្ចសន្យាជាគ្រូបង្កោលបណ្ដោះអាសន្នរបស់ក្រុម Ingolstadt ដល់ដាច់ខែមិថុនា ឆ្នាំ២០២៤នេះ។ ឆ្នាំមុន Union Berlin បានតែងតាំងអ្នកស្រី Marie Louise Eta ជាគ្រូជំនួយ។ Ingolstatd បានចេញសេចក្ដីថ្លែងការណ៍ថា ការតែងតាំងកញ្ញា Sabrina ជាជម្រើសត្រឹមត្រូវ ព្រោះនាងធ្វើការនៅក្លឹបយូរហើយ និង​បានស្គាល់ច្បាស់ពីក្លឹប៕

Niclas Fulkrug ជាអ្នករកគ្រាប់បាល់បញ្ចូលទីគ្រាប់ជ័យជម្នះឱ្យ Borussia Dortmund ឈ្នះ Paris Saint Germain ដោយលទ្ធផល១ទល់នឹង០ ក្នុងការប្រកួត UEFA Champions League វគ្គពាក់កណ្ដាលផ្ដាច់ព្រ័ត្រ។ គ្រាប់បាល់របស់គេកើតឡើងក្នុងនាទី៣។ ក្នុងវគ្គទី២ PSG មានឱកាសច្រើនដែរ តែ Kylian Mbappe មិនអាចសម្រេចបាន។ ក្នុងវគ្គទី២ដដែល Fulkrug ស្ទើរតែរកបានមួយគ្រាប់ទៀតទៅហើយពីការបញ្ជូនដោយ ...

ការចរចារវាង Bayern Munich និងគ្រូបង្វឹកជនជាតិ លោក Ralf Rangnick កំពុងបន្តយ៉ាងរលូន។ Rangnick វ័យ៦៥ឆ្នាំបានបញ្ជាក់កាលពីសប្តាហ៍មុនថា លោកត្រូវបានទាក់ទងអំពីការងារដោយក្លឹបនៅ Bundesliga ។ Bayern ចង់បាន Rangnick មកជំនួសដំណែងគ្រូបង្គោលបច្ចុប្បន្ន Thomas Tuchel ដែលនឹងចាកចេញនៅចុងបញ្ចប់នៃរដូវកាលនេះ។ បច្ចុប្បន្ន Rangnick កំពុង​ត្រៀម​ដឹកនាំជម្រើសជាតិ​អូទ្រីស​ក្នុង​ការ​ប្រកួត​ជើង​ឯក​អឺរ៉ុប​នៅ​ប្រទេស​អាល្លឺម៉ង់​នា​ពេល​ខាង​មុខ៕

អ្នកចាំទី Thibaut Courtois របស់បែលហ្ស៊ិក នឹងខកខានការប្រកួត Euro 2024 បន្ទាប់ពីរបួសសរសៃពួរជង្គង់ បើទោះបីជាអាចត្រលប់មក Real Madrid វិញក៏ដោយ។ Courtois អាយុ ៣១ ឆ្នាំបានខកខានពេញមួយរដូវកាលហើយត្រូវការការវះកាត់មួយទៀតនៅលើជង្គង់ក្នុងខែមីនា។ គេ​អាច​នឹង​ត្រលប់​ទៅ Real Madrid នៅ​មុន​ចប់​យុទ្ធនាការ EURO ប៉ុន្តែ​គ្រូ​បង្វឹក​បែលហ្ស៊ិក Domenico Tedesco មិនបានសម្រេចចិត្តយកទេ៕