សហព័ន្ធកីឡាបាល់ទាត់កម្ពុជានឹងប្រកាសគ្រូបង្គោលថ្មីនៃក្រុមធំជម្រើសជាតិកម្ពុជានាចុងសប្ដាហ៍នេះ។ បច្ចុប្បន្នក្រុមធំជម្រើសជាតិកម្ពុជាមិនទាន់មានគ្រូបង្គោលទេក្រោយលោក Ryu Hirose បានអស់កិច្ចសន្យាក្រោយចប់ AFF Cup 2022 ចុងឆ្នាំកន្លងទៅ។ លោក Ryu ជាគ្រូបង្គោលទី២ចាប់តាំងពីលោក Keisuke Honda ចូលធ្វើជាអ្នកចាត់ការកម្ពុជា ក្នុងឆ្នាំ២០០៨មក និងបន្ទាប់ពីការចាកចេញរបស់លោក Felix Dalmas៕  

សម្ដេចអគ្គមហាសេនាបតីតេជោ ហ៊ុន សែន បានបញ្ចេញសារបន្ទាន់មួយជាសាធារណៈថា ពិធីបើក និងពិធីបិទព្រឹត្តិការណ៏កីឡាស៊ីហ្គេមលើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ គឺមិនមានការបញ្ចាឲ្យលក់សំបុត្រឡើយ ដោយបងប្អូនទាំងអស់គ្នាអាចចូលរួមទស្សនាដោយសេរីកំឡុងពេលនៃកម្មវិធី ទន្ទឹមនឹងនេះ សម្ដេចតេជោបញ្ជាក់បន្ថែមថា គ្រប់វិញ្ញាសារប្រកួតទាំងអស់ ដែលដំណើរការមុន ឬក្រោយពិធីបើកក៏មិនមានការលក់សំបុត្រដូចគ្នាផងដែរ ដូច្នេះបងប្អូនអាចចូលរួមលើកទឹកចិត្តអត្តពលិកកម្ពុជាបានគ្រប់ទីកន្លែងគ្រប់ពេលវេលាដោយមិនចាំបាច់ចំណាយថវិកាទិញសំបុត្រឡើយ។ គួរដឹងដែរថា ការប្រកាសរបស់សម្ដេចតេជោ ហ៊ុន សែន បានធ្វើឡើងតែប៉ុន្មានថ្ងៃបន្ទាប់ពីមានការប្រកាសថា ពិធីបើក និងពិធីបិទព្រឹត្តិការណ៍ស៊ីហ្គេម២០២៣ នឹងមានលក់សំបុត្រក្នុងតម្លៃ១០ម៉ឺនរៀល និង២០ម៉ឺនរៀល៕

ក្លិបបាល់ទាត់ Bolton បានដាក់ពាក្យបណ្ដឹងទៅកាន់សហព័ន្ធកីឡាបាល់ទាត់ពិភពលោកដើម្បីទាមទារថ្លៃអភិវឌ្ឍន៍កីឡាករ Marcos Alonso ពី FC Barcelona។ ក្រុមរហស្សនាមអ្នកមានបុណ្យបានផ្ទេរយក Alonso ពី Chelsea ដោយឥតគិតថ្លៃដើមរដូវកាល២០២២/២០២៣នេះ។ ខ្សែការពារវ័យ៣៣ឆ្នាំបានចូលរួមជាមួយ Bolton ពីចន្លោះឆ្នាំ២០១០ដល់២០១៣ ក្រោយចេញពីក្រុមយុវជន Real Madrid។ បើតាមច្បាប់របស់ FIFA កីឡាករណាផ្ទេរទៅក្លិបផ្សេងទៀត ក្លិបថ្មីនោះត្រូវបង់ថ្លៃអភិវឌ្ឍន៍ដល់ក្លិបដែលចូលរួមអភិវឌ្ឍកីឡាកររូបនោះកាលនៅកម្រិតយុវជន។ Alonso លេងបាន១៥ប្រកួតហើយសម្រាប់ Barcelona ...

សហព័ន្ធកីឡាបាល់ទាត់កម្ពុជាបាន​ប្រកាសពីកាលបរិច្ឆេទនៃការចាប់ពូលសម្រាប់ការប្រកួតបាល់ទាត់បុរសព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ នៅកម្ពុជា។ ក្រុមដែលចូលរួមទាំងអស់មានចំនួន១០ គឺម្ចាស់ផ្ទះកម្ពុជា, ថៃ, វៀតណាម, ឥណ្ឌូណេស៊ី, ម៉ាឡេស៊ី, ទីម័រខាងកើត, ឡាវ, សិង្ហបុរី, មីយ៉ាន់ម៉ា, ឡាវ និងហ្វីលីពីន។ ការចាប់ពូលនឹងប្រព្រឹត្តទៅនៅពហុកីឡដ្ឋានជាតិមរតកតេជោ នៅវេលាម៉ោង៣រសៀល ថ្ងៃទី០៥ ខែមេសា ឆ្នាំ២០២៣។ ការប្រកួតបាល់ទាត់នឹងចាប់ផ្ដើមពីថ្ងៃទី២៩ ខែមេសា តទៅ៕  

លោក Herve Renard បានត្រលប់ទៅប្រទេសបារាំងវិញដើម្បីធ្វើជាគ្រូបង្គោលក្រុមនារីរបស់បារាំងចូលរួមការប្រកួតបាល់ទាត់នារីពិភពលោកក្នុងខែកក្កដា។ ប្រធានសហព័ន្ធកីឡាបាល់ទាត់អារ៉ាប៊ីសាអូឌីតបានបញ្ជាក់ថា “៖ លោក Renard បានទទួលការអញ្ជើញពីសហព័ន្ធកីឡាបាល់ទាត់បារាំង (FFF) ហើយបានសម្តែងចំណាប់អារម្មណ៍យ៉ាងស្មោះស្ម័គ្រចំពោះឱកាសនេះ។ យើងបានទទួលដំណឹងនេះប្រហែល៤ថ្ងៃមុនការប្រមូលផ្តុំក្រុមជម្រើសជាតិ ហើយក៏ទទួលបាន លិខិតមួយច្បាប់ពី FFF។ បន្ទាប់ពីការពិភាក្សា យើងបានសម្រេចចិត្តទទួលយកសំណើនេះ។” បន្ទាប់ពីក្រុមអារ៉ាប៊ីសាអូឌីតបានចាញ់ក្រុមបូលីវីក្នុងការប្រកួតមិត្តភាពកាលពីថ្ងៃទី២៨ ខែមីនា លោក Renard បានប្រកាសលាគ្នាថា “៖ខ្ញុំចង់អរគុណអ្នកគ្រប់គ្នានៅក្នុងប្រទេសអារ៉ាប៊ីសាអូឌីតដែលតែងតែគាំទ្រខ្ញុំអស់រយៈពេល៤ឆ្នាំមកហើយ។ ខ្ញុំគិតថាខ្ញុំបានធ្វើអស់ពីសមត្ថភាព។ អរគុណ​អ្នក​ទាំង​អស់​គ្នា​សម្រាប់​ពេល​វេលា​ដ៏​អស្ចារ្យ​នេះ។” ក្នុងការប្រកួតវគ្គចែកពូលបុរស ...