ដូចដឹងហើយថា លឹម ពិសុទ្ធ បានរងរបួសកជើងក្នុងការប្រកួតលីគកំពូលកម្ពុជា រវាងភ្នំពេញក្រោន និងវិសាខា នៅរាត្រីថ្ងៃសៅរ៍ ទី​០១ ខែតុលា ឆ្នាំ២០២២។ តាមពិតទៅនេះមិនមែនជាលើកទី១ទេដែលខ្សែប្រយុទ្ធភ្នំពេញក្រោនរូបនេះមានបញ្ហារបួស។ ជាក់ស្ដែង សមាជិកជម្រើសជាតិកម្ពុជាមនបញ្ហាកជើង ពោលគឺ បន្ទាប់ពីថ្ងៃទី ២៣ខែឧសភា ពេលលេងតទល់ពេលប៉ះណាហ្គាវើលដ៍។ កាន់តែគួរឲ្យស្តាយទៅទៀតនោះ គេមិនបានចូលរួមលេងពាន AFF U23 នៅពហុកីឡដ្ឋានជាតិមរតកតេជោ កាលពីខែកុម្ភៈ ឆ្នាំ២០២២ ទៀតផង។ ម្ដងនេះ គេមិនទាន់ច្បាស់ថា ...

ខ្សែបម្រើប្រយុទ្ធវិសាខា Paulo Victor បានរងការរិះគន់យ៉ាងខ្លាំងថា មិនបានគោរពភ្លេងជាតិនៃព្រះរាជាណាចក្រកម្ពុជា ដោយពេលភ្លេងកំពុងបន្លឺ ស្រាប់តែគេបែរជាកម្ដៅសាច់ដុំ លោតចុះឡើងទៅវិញ។ ទាក់ទងទៅនឹងបញ្ហានេះ កីឡាករប្រេស៊ីខាងលើបានសរសេរបែបនេះ “៖  ខ្ញុំបានធ្វើចលនាខ្លះ។ តាមពិតទៅ ខ្ញុំតែងតែធ្វើបែបនេះមិនត្រឹមតែនៅទីនេះទេ  ប៉ុន្តែនៅគ្រប់ប្រទេស ។ មិនមែនចេញពីការមាក់ងាយទេ តែផ្តោតលើការប្រកួត ។ ខ្ញុំមិនដែលមាក់ងាយប្រជាជន ឬប្រទេសជាតិណាទេ ។ បើខ្ញុំបានធ្វើខុស ខ្ញុំមកសូមទោសអ្នកទាំងអស់គ្នា។ អ្នកដែលស្គាល់ខ្ញុំច្បាស់ ទើបដឹងថាខ្ញុំជាមនុស្សគោរពគេប៉ុនណា ។ ...

ប៉ូលិសឥណ្ឌូណេស៊ីបាននិយាយថា មនុស្សយ៉ាងហោចណាស់ ១២៧ នាក់បានស្លាប់ និង ១៨០ នាក់បានរងរបួស បន្ទាប់ពីមានការរត់ជាន់គ្នានៅឯការប្រកួតបាល់ទាត់មួយនៅក្នុងខេត្ត East Java ។ នៅក្នុងសេចក្តីថ្លែងការណ៍មួយនៅព្រឹកថ្ងអាទិត្យ ទី០២ ខែតុលា នេះ ប៉ូលីស East Java បាននិយាយថា អ្នកគាំទ្រ Arema FC បានសម្រុកចូលទីលាននៅកីឡដ្ឋាន Kanjuruhan ក្នុងក្រុង Malang ...

ក្រុមតេក្វាន់ដូ អាយធីអែហ្វក្រសួងមហាផ្ទៃដណ្តើមបានមេដាយច្រើនជាងគេក្នុងការប្រកួតជើងឯកថ្នាក់ជាតិឆ្នាំ២០២២ដែលប្រព្រឹត្តទៅចាប់ពីថ្ងៃពុធ ទី២៨ ដល់ថ្ងៃទី៣០ ខែកញ្ញា ឆ្នាំ២០២២ នៅក្នុងសាកលវិទ្យាល័យភូមិន្ទភ្នំពេញ។ ក្រុមក្រសួងមហាផ្ទៃដណ្តើមបានមេដាយសរុប២០គ្រឿងដោយក្នុងនោះមាន មាស៨ ប្រាក់៤ និងសំរឹទ្ធ៨ ហើយក្រុមចំណាត់ថ្នាក់លេខ២បានទៅលើក្រសួងសេដ្ឋកិច្ចនិងហិរញ្ញវត្ថុដោយឈ្នះមេដាយសរុប១៤គ្រឿងមាន មាស២ ប្រាក់៤ និងសំរឹទ្ធ៨។សម្រាប់ក្រុមចំណាត់ថ្នាក់លេខ៣វិញបានទៅលើក្លិបយុវជនដោយឈ្នះមេដាយសរុប៥គ្រឿងគឺ មាស២ ប្រាក់៣ និងសំរឹទ្ធ០។ បើតាមរបាយការណ៍ពីងឧត្តម បួហ៊ីង សុធីយ៉ា អគ្គលេខាធិការសហព័ន្ធកីឡាតេក្វាន់-ដូ អាយធីអេហ្វកម្ពុជា ការប្រកួទជើងឯកថ្នាក់ជាតិឆ្នាំនេះមានសមាគមក្លិបចូលរួមចំនួន១៧ មកពីរាជធានី ខេត្ត ...

សហភាពសហព័ន្ធយុវជនកម្ពុជា បានរៀបចំយុទ្ធនាការ Beyond the Games ដើម្បីបំផុសចលនាមហាជន ឲ្យបានយល់ដឹងបន្ថែមទៀត ពីមហាព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដែលកម្ពុជានឹងធ្វើម្ចាស់ផ្ទះជាលើកដំបូង។ ឯកឧត្តម សុខ សប្បាយណា ប្រធានប្រតិបត្តិនៃយុទ្ធនាការ Beyond the Games បានថ្លែងក្នុងពិធីបើកយុទ្ធនាការនេះថា Beyond the Games នឹងក្លាយជាយុទ្ធនាការមួយ ជាមួយយុទ្ធនាការរួមរបស់ព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ...

យុវជន ហាន់ ទី ដែលទើបផ្លាស់ពីក្រុមយុវជនអាយុក្រោម១៥ឆ្នាំកងយោធពលខេមរភូមិន្ទ ទៅក្រុមយុវជនអង្គរថាយហ្គឺរ ទទួលបានឱកាសទៅហ្វឹកហាត់នៅក្រុមថ្នាលក្លិប Tokushima Vortisរយៈពេល២សប្ដាហ៍ គឺពីថ្ងៃទី០១ ខែតុលា ឆ្នាំ២០២២។ យុវជនម្នាក់ទៀតក៏នឹងរួមដំណើរជាមួយគេផងដែរ គឺ  យុវជន លី សូសៀ។ គួរដឹងដែរថា ហាន់ ទី បានស្នាក់នៅ រៀនសូត្រ ហ្វឹកហាត់នៅស្តាតចាស់តាំងពីឆ្នាំ២០១៥មកម្លេះ។ ក្នុងនាមជាប្រធានក្រុមផងនោះ គេរួមចំណែកឈ្នះពានរង្វាន់យុវជនអាយុក្រោម១៥របស់សហព័ន្ធកីឡាបាល់ទាត់កម្ពុជា រដូវកាល២០២២ នាពេលថ្មីៗនេះ៕

ក្រោយឈ្នះក្រុមជម្រើសជាតិគូរ៉ាកាវ២លើករួចមក ក្រុមបាល់ទាត់ជម្រើសជាតិឥណ្ឌូនេស៊ីបានបង្ហាញបំណងចង់ប្រកួតតែមួយក្រុមជម្រើសជាតិក្នុងចំណោមលំដាប់ទាំង៦០លើលោក ដើម្បីពង្រឹងសមត្ថភាពរបស់ខ្លួន។ ក្រុមឥណ្ឌូនេស៊ីបានឡើងពីលេខ១៥៧ទៅលេខ១៥៥ ក្រោយបានឈ្នះក្រុមលេខ៨៤ គូរ៉ាកាវ ក្នុងការប្រកួតមិត្តភាព២លើកជាប់ៗគ្នា។ ថ្មីៗនេះ ឥណ្ឌូនេស៊ីក៏បានបន្តកុងត្រាដល់គ្រូបង្គោលជនជាតិកូរ៉េខាងត្បូង Shin Tae-yong ដល់ឆ្នាំ២០២៥ដែរ៕ គួរដឹងដែរថា ក្នុងការប្រកួតជើងឯកអាស៊ីអាគ្នេយ៍ ឬ AFF Cup ចុងឆ្នាំ២០២២ នេះ ក្រុមជម្រើសជាតិឥណ្ឌូនេស៊ីស្ថិតក្នុងពូល A ដែលមានថៃ, ហ្វីលីពីន, កម្ពុជា និងក្រុមជាប់ក្នុងវគ្គជម្រុះ៕  

ការប្រកួតបាល់ទាត់ក្របខណ្ឌកំពូលកម្ពុជា រដូវកាល២០២២ នឹងត្រលប់មកវិញនៅថ្ងៃទី០១ ខែតុលា នេះវិញហើយ ក្រោយសម្រាកសម្រាប់ FIFA’s Day អស់រយៈពេលមួយខែមក។ លោក ភា សុភ័ក្ត្រា គ្រូជំនួយក្រុមបាល់ទាត់ជម្រើសជាតិកម្ពុជា បានសរសេរថា កីឡាករក្នុងស្រុកទាំងអស់សុទ្ធតែមានឱកាសជាប់ជម្រើសជាតិដូចៗគ្នា។ គួរដឹងដែរថា ក្នុងការជ្រើសរើសកីឡាករចូលរួមក្រុមជម្រើសជាតិក្នុងខែកញ្ញា នេះ ក្រុមការងារគ្រូបង្វឹកបានផ្ដោតលើអ្នកអាចឆ្លងកាត់ការធ្វើតេស្ដ៣០-១៥ ឬអាចរត់បាន២១,៥គីឡូម៉ែត្រក្នុងមួយម៉ោង។ ទន្ទឹមនឹងនោះ កីឡាករដែលធ្លាប់ជាប់ជម្រើសជាតិពីមុនមកច្រើនលើកច្រើនសា ក៏បានអវត្តមាន។ ការប្រកួត២លើកកន្លងមកទាំងក្រុមអាយុក្រោម២៣ឆ្នាំ និងក្រុមធំបានទទួលរងនូវបរាជ័យ ដោយ ...

សហព័ន្ធកីឡាបាល់ទះកម្ពុជាបានជូនដំណឹងទៅកាន់ក្រុមទាំង១២ដែលត្រូវប្រកួតពានរង្វាន់សម្ដេចអគ្គមហាសេនាបតីតេជោ ហ៊ុន សែន 2022 ត្រូវដាក់ពាក្យចូលរួមប្រកួតអោយបានរួសរាន់មុនថ្ងៃទី០២ ខែតុលា ឆ្នាំ២០២២ នៅស្នាក់ការសហព័ន្ធកីឡាបាល់ទះកម្ពុជា ។ ក្រុមចំនួន៤រង់ចាំក្នុងពានរង្វាន់សម្ដេចអគ្គមហាសេនាបតីតេជោ ហ៊ុន សែន ២០២២ នេះរួចជាស្រេចមាន សមាគមបាល់ទះវិសាខា សមាគមបាល់ទះក្រសួងមហាផ្ទៃ ក្លិបបាល់ទះកងពលធំអន្តាគមន៍រលខ៣ និង ក្លិបបាល់ទះរដ្ឋបាលរាជធានីភ្នំពេញ។ ក្រុមចំនួន៨ទៀតមកពីពានរង្វាន់សម្តេចក្រឡាហោម ស ខេង មានដូចជា ៖ ក្លិបបាល់ទះស្នងការដ្ឋាននគរបាលខេត្តស្វាយរៀង ក្លិបបាល់ទះស្នងការដ្ឋាន ...

មេដាយមាសទាំងវិញ្ញាសាបុរស និងនារី គឺជាគោលដៅរបស់ក្រុមបាល់ទាត់ជម្រើសជាតិថៃក្នុងព្រឹត្តិការណ៍អាស៊ីអាគ្នេយ៍លើកទី៣២ នៅប្រទេសកម្ពុជា ក្នុងឆ្នាំ២០២៣ ខាងមុខ។ នេះបើតាមការជំរុញពីលោក នាយករដ្ឋមន្រ្តីស្តីទីថៃ លោក Prawit Wongsuwan។ ប្រុមុខរដ្ឋាភិបាលថៃបានស្នើឱ្យកីឡាបាល់ទាត់ថៃដណ្តើមបានមេដាយមាសចំនួន ២ លើកីឡាបាល់ទាត់បុរស និងនារីក្នុងព្រឹត្តិការណ៍ស៊ីហ្គេមខាងមុខនេះ។ ថ្នាក់ដឹកនាំប្រទេសដដែលក៏បាន​ព្រមាន​ថា បើ​ថៃ​បាត់​មេដាយ​មាស​មួយ​ក្នុង​ចំណោម​មេដាយ​មាស​ទាំង​ពីរ​ក្នុង​វិស័យ​បាល់ទាត់ នោះ​ត្រូវតែមានអ្នកចេញមុខទទួលខុសត្រូវ។ បើតាមគម្រោង សមាគមកីឡាបាល់ទាត់ថៃគ្រោងនឹងបញ្ជូន U21 ទៅចូលរួមការប្រកួតកីឡាស៊ីហ្គេមឆ្នាំ២០២៣ ហើយគេរំពឹងថាក្រុមនឹងមានការបោះជំរុំហ្វឹកហាត់រយៈពេល២សប្តាហ៍នៅ UAE ក្នុងខែមីនា ឆ្នាំ២០២៣៕