តាមផែនការ ក្រុមហ៊ុនលីគដែលនឹងចូលកាន់តួនាទីជាអ្នករៀបចំការប្រកួតបាល់ទាត់ក្របខណ្ឌកំពូលកម្ពុជារដូវកាល២០២២ជំនួស CNCC នោះ គ្រោងប្រកាស ក្លិបណាខ្លះដែលអាចលេងនៅលីគកំពូលរដូវកាលក្រោយ និងក្រុមណាខ្លះដែលមិនអាចលេងបាន នៅថ្ងៃព្រហស្បតិ៍ ទី៣០ ខែធ្នូ។ យ៉ាងណា ក៏ដោយ គម្រោងប្រកាសនេះត្រូវបានលើកពេលវិញ។ បើតាមការលើកឡើងពីលោក សុក វាសនា គ្រូបង្គោលអាស៊ីអឺរ៉ុបយូណាយធីត បានសរសេរក្នុងសំណេររបស់លោកថា ការលើកពេលនេះដោយសារតែក្លិបភាគច្រើនមិនយល់ស្រប។ គួរដឹងដែរថា ក្រុមហ៊ុនលីគដែលនឹងចូលមករៀបចំការប្រកួតបាល់ទាត់លីគកំពូលកម្ពុជារដូវកាលក្រោយចែងថា ក្លិបដែលអាចប្រកួតបានត្រូវតែមាន​អាជ្ញាបណ្ណស្របទៅតាមលក្ខណៈសម្បត្តិចែងដោយសហព័ន្ធកីឡាបាល់ទាត់កម្ពុជា។ លក្ខណៈសម្បត្តិសំខាន់ៗមានដូចកិច្ចការរដ្ឋបាល, ហិរញ្ញវត្ថុ, ច្បាប់ និងហេដ្ឋារចនាសម្ព័ន្ធ។ ...

Joao Cancelo កូដស្ដាំរបស់ Manchester City បានរងរបួសរយៈចិញ្ចើមស្ដាំ ដោយសារតែព្យាយាមប្រយុទ្ធជាមួយក្រុមចោរពេលចូលប្លន់គ្រួសាររបស់គេ។នេះបើតាមការផុសលើបណ្ដាញសង្គម Instagram របស់កីឡាករវ័យ២៨ឆ្នាំ។ “ជាអកុសលថ្ងៃនេះខ្ញុំត្រូវបានជនអន្ធពាល៤រូបធ្វើបាបខ្ញុំ និងគ្រួសាររបស់ខ្ញុំ។ ពេលអ្នកព្យាយាមតដៃ នេះហើយជាលទ្ធផល។ ពួកគេបានប្លន់យកគ្រឿងអលង្ការ និងបានបន្សល់ទុកស្នាមបែបនេះ។” យ៉ាងណា ប្រភពពី BBC ដែលចេញផ្សាយនៅថ្ងៃសុក្រ ទី៣១ ខែធ្នូ ឆ្នាំ២០២១នេះមិនបានបញ្ជាក់ពីចំនួននៃការបាត់បង់ទេ។ Cancelo ជាកម្លាំងស្នូលរបស់ Man City ...

ប៉ុន្មានថ្ងៃចុងក្រោយនេះ កាន់តែមានការជជែកច្រើនពីរឿងខ្សែប្រយុទ្ធ Marcus Haber ផ្លាស់ចេញពីវិសាខាទៅកាន់ក្រុមគូប្រជែងព្រះខ័នរាជស្វាយរៀង។ គេមិនទាន់ឃើញប្រតិកម្មណាមួយពីភាគីក្លិបទាំង២ទេ។ Haber ដែលធ្លាប់ជាប់ជម្រើសជាតិកាណាដាផងនោះ បានចូលរួមជាមួយវិសាខាក្នុងរដូវកាល២០២១នេះ។ កីឡាករវ័យ៣២ឆ្នាំរកបាន​១៧គ្រាប់ពីការចូលលេង​១៧ប្រកួត និង assist បាន៩ដង។ ព័ត៌មាននៃការផ្ទេរនេះកើតឡើង ក្រោយពីការមកដល់របស់កីឡាករប្រេស៊ីល២រូប គឺ Marcos Vinícius និង Junior Barros ដែលធ្វើឲ្យសមាជិកបរទេសវិសាខាកើនដល់៧នាក់។ ទន្ទឹមនឹងនេះ ខ្សែការពារអាហ្វ្រិកខាងត្បូង Mohammed Khan Faeez ...

Manchester United បានឡើងទៅចំណាត់ថ្នាក់លេខ៦ Premier League ក្រោយឈ្នះ Burnley ៣ទល់នឹង១ នៅថ្ងៃព្រហស្បតិ៍ ទី៣០ ខែធ្នូ។ Cristiano Ronaldo បាន assist ឲ្យ Scott McTominay ទាត់ពីក្រៅប្រអប់បញ្ចូលទីនាំមុខក្នុងនាទីទី៨។ នាទី២៧ Jadon Sancho ទាត់ទៅប៉ះខ្សែការពារ Ben Mee របស់ ...

លោក Thomas Tuchel គ្រូបង្វឹកក្រុមតោខៀវ Chelsea បាននិយាយថា លោកមិនអាចគិតអំពីការប្រជែងពានរង្វាន់ Premier League នារដូវកាលនេះបានឡើយ ព្រោះបច្ចុប្បន្នក្រុមរបស់ខ្លួនកំពុងតែមានបញ្ហាវិបត្តិកីឡាករ។ បុរសជនជាតិអាល្លឺម៉ង់បានបន្ថែមទៀតថា៖ “ប្រជែងពាន? ខ្ញុំគិតថាវាមិនមែនជាពេលដែលត្រូវលើកមកនិយាយឡើយ ព្រោះឥឡូវនេះកីឡាកររបស់ខ្ញុំឆ្លងកូវីដ១៩ចំនួន៧នាក់ ហើយប៉ុន្មាននាក់ទៀតរងរបួសត្រូវសម្រាករយៈពេលយូរទៀត។ ដូចនេះខ្ញុំគិតថាខ្ញុំមិនអាចនិយាយបានឡើយ”។ គិតត្រឹមសប្តាហ៍ទី២០នេះ ក្រុមរបស់មហាសេដ្ឋីរុស្ស៊ីបច្ចុប្បន្ននេះកំពុងឈរនៅលេខ២ក្នុងការប្រកួតក្របខ័ណ្ឌ Premier League ដោយតាមពីក្រោយក្រុមកំពូលតារាង Manchester City ចំនួន៨ពិន្ទុ។

Manchester City បានបង្កើនការនាំមុខលើកំពូលតារាងពិន្ទុនៃក្របខណ្ឌ Premier League ថែមទៀតហើយ ក្រោយឈ្នះ Brentford ០ទល់នឹង១ ក្នុងការប្រកួតនៅថ្ងៃពុធ ទី២៩ ខែធ្នូ និងរកគ្រាប់បាល់ជ័យជម្នះដោយ Phil Foden។ ចំណែក Chelsea ឯណោះវិញបានត្រឹមស្មើ១ទល់នឹង១ក្នុងដីខ្លួនឯង ជាមួយ Brighton & Hove Albion។ Romelu Lukaku ជាអ្នករកគ្រាប់បាល់បញ្ចូលទីបានមុនក្នុងនាទី២៨ ...

លោក Alexander Polking គ្រូបង្គោលក្រុមបាល់ទាត់ជម្រើសជាតិថៃ ទទូចថា លោកពិតជានឹកស្មានមិនដល់សោះ កូនក្រុមរបស់លោកអាចឈ្នះឥណ្ឌូនេស៊ីដល់ទៅ៤ទល់នឹង០ ក្នុងការប្រកួតវគ្គផ្ដាច់ព្រ័ត្រ ជើងទី១ AFF Cup 2020​។ គ្រូបង្វឹកជនជាតិប្រេស៊ីលថ្លែងបែបនេះ “៖កីឡាករថៃពិតជាបានបង្ហាញគុណផលមិនគួរឲ្យជឿនៅពេលពួកគេឈ្នះបាន៤ទល់នឹង០។ វាលើសពីការរំពឹងទុករបស់ខ្ញុំបើប្រៀបទៅនឹងការរៀបចំមុនប្រកួត។” ក្រុមជម្រើសជាតិថៃបានផ្លាស់ប្ដូរកីឡាករ៧រូបបើប្រៀបទៅនឹងជើងទី២ វគ្គពាក់កណ្ដាលផ្ដាច់ព្រ័ត្រ។ ទោះមានកីឡាករជម្រើសទី២ច្រើន ក៏ថៃនៅតែអាចឈ្នះឥណ្ឌូនេស៊ីយ៉ាងស្រួល។ ៤គ្រាប់របស់ថៃកើតចេញពី Chanathip Songkrasin (២គ្រាប់), Supachok Sarachart និង Bordin ...

ជើងខ្លាំងគុនខ្មែរកំពុងឡើងកូដ អេលីត ចំរើន ថ្លែងថា គេពិតជាសប្បាយចិត្តដែលអាចវាយឈ្នះបឺត សង្ឃឹម ដណ្ដើមបានខ្សែក្រវាត់មាសពី PNN កាលថ្ងៃអាទិត្យ ទី២៦ ខែធ្នូ កន្លង ទៅ។ ជ័យជម្នះនេះមិនត្រឹមតែផ្ដល់មោទកភាពដល់ខ្លួន និងក្លិបប៉ុណ្ណោះប៉ុណ្ណោះទេ ប៉ុន្តែសិស្សគុនក្លិបនាយកដ្ឋានអង្គរក្សខាងលើ​សង្កត់ធ្ងន់ថា បានជួលសម្រួលបន្ទុកគ្រួសារយ៉ាងច្រើន ព្រោះភរិយារបស់​គេជិតឆ្លងទន្លេផងដែរ។ ចំរើន ទទូចថា នឹងប្រើប្រាស់ប្រាក់រង្វាន់១ម៉ឺនដុល្លារពីការឈ្នះខ្សែក្រវាត់ត្រៀមសម្រាប់កំណើតកូន​ ហើយសល់ប៉ុន្មានទៀតនឹងទុកទិញគោចិញ្ចឹម។ គួររំឭកថា អេលីត ចំរើន បានយកឈ្នះបឺត ...

ការប្រកួតដណ្ដើមជើងឯកយុវជនអាយុក្រោម២៣ឆ្នាំប្រចាំឧបទ្វីបអាស៊ីអាគ្នេយ៍ ឆ្នាំ២០២២ គឺជាព្រឹត្តិការណ៍ទី៣ហើយចាប់តាំងពីពានរង្វាន់យុវជនមួយនេះត្រូវបានបង្កើតឡើង​ដំបូងក្នុងឆ្នាំ២០០៥។ ឆ្នាំដំបូងនាពេលនោះត្រូវបានដំណើរការឡើងក្នុងប្រទេសថៃ មាន៨ក្រុមចូលរួម ដោយមិនមានវត្តមាន​វៀតណាម និងព្រុយណេ។ កាលណោះកម្ពុជាស្ថិតក្នុងពូល B ដោយប៉ះម្ចាស់ផ្ទះថៃ, សិង្ហបុរី និងឡាវ ហើយគោព្រៃខៀវបរាជ័យទាំង៣ប្រកួត បញ្ចប់នៅបាតតារាង។ ចុងបញ្ចប់ថៃជាអ្នកលើកពានដោយឈ្នះសិង្ហបុរី ៣ទល់នឹង០ ក្នុងវគ្គផ្ដាច់ព្រ័ត្រ។ ដល់ឆ្នាំ២០១៩ កម្ពុជាទទួលបានសិទ្ធិធ្វើជាម្ចាស់ផ្ទះវិញម្ដង ដោយប៉ះម៉ាឡេស៊ី, ឥណ្ឌូនេស៊ី និងមីយ៉ាន់ម៉ា ក្នុងពូល B។ ជាលទ្ធផលកម្ពុជា ឈ្នះ២ប្រកួត ...

ក្រុមតោខៀវ Chelsea បានចេញសេចក្តីប្រកាសជាផ្លូវការថា ខ្សែការពារ Ben Chilwell មានបញ្ហារបួសជង្គង់ធ្ងន់ធ្ងរដោយត្រូវអវត្តមានរហូតដល់ចប់រដូវកាលនេះ។ អតីតសមាជិក Leicester City រូបនេះអវត្តមានប៉ុន្មានប្រកួតមកហើយ ក្រោយរងរបួសនៅក្នុងអំឡុងការប្រកួតទល់នឹង Juventus ក្នុងការប្រកួតពានរង្វាន់ UEFA Champions League កាលពីខែមុន។ ក្រោយឆ្លងការពិភាក្សាជាមួយក្រុមគ្រូពេទ្យរបស់ក្រុម កីឡាករវ័យ២៥ឆ្នាំនឹងធ្វើការវះកាត់ជង្គង់របស់ខ្លួន ហើយត្រូវប្រើពេលរហូតដល់ចប់រដូវកាលនេះក្នុងការសម្រាកព្យាបាល និងពង្រឹងកាយសម្បទាឡើងវិញ។ ដូចនេះមានន័យថា ខ្សែការពារ Marco Alonso ...