ការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២២ បានបិទបញ្ចប់ជាផ្លូវការនៅរសៀលថ្ងៃពុធ ទី២៩ ខែមិថុនា ឆ្នាំ២០២២ ក្រោយឆ្លងកាត់ការប្រកួតយ៉ាងស្វិតស្វាញរយៈពេលពេញមួយសប្ដាហ៍។ ជាលទ្ធផលក្រុមកីឡាសាកលវិទ្យាល័យអាស៊ីអឺរ៉ុបឈរកំពូលតារាងមេដាយសរុបដែលមានមេដាយមាស២២ ប្រាក់៦ និងសំរឹទ្ធ២ សរុប៣០គ្រឿង។ វិទ្យាស្ថានខេមអេដ មានមេដាយសរុប៣៤គ្រឿង ក្នុងនោះមេដាយមាស៩គ្រឿង, ប្រាក់៩គ្រឿង និងសំរឹទ្ធ១៦គ្រឿង។ សាកលវិទ្យាល័យវេស្ទើនបានមេដាយសរុប១៧គ្រឿង ដែលមានមាស៨គ្រឿង ប្រាក់៩គ្រឿង និងសំរឹទ្ធ៤គ្រឿង។ សម្រាប់សាកលវិទ្យាល័យអាស៊ីអឺរ៉ុបក្នុងឆ្នាំ២០២២នេះ បានចូលរួមប្រកួតលើ៥ប្រភេទកីឡា មានបាល់បោះ វិញ្ញាសាបុរស, សីដកបុរស ...

ខ្ញុំធ្លាប់បរាជ័យ២ដងរួចជាមួយហើយ មានទាំងសន្លប់ និង ចាញ់ពិន្ទុកីឡាករថៃម្នាក់នេះ ប៉ុន្តែលើកនេះខ្ញុំជឿជាក់រហូតដល់ទៅ៦០ភាគរយ ក្នុងការដណ្តើមយកជ័យជម្នះពី ឃុំភិឈិត វិញឲ្យទាល់តែបាន។ នេះគឺជាការការលើកឡើងរបស់កូនសិស្សលោកគ្រូ ធន់ សុភា ខណៈដែលកីឡាករចិត្តសឿងរូបនេះ បានត្រៀមខ្លួនរួចជាស្រេចដើម្បីជួបសងសឹកជាមួយគូថៃម្នាក់នេះ។ ជាមួយគ្នានេះ ប៊ុន សុធា បានបន្ថែមទៀតថា ទោះបីជារូបគេទើបតែធ្វើការធ្ងន់ជាមួយកីឡាករថៃ កៀបបានធិក កាលពីសប្តាហ៍មុនក៏ពិតមែន ប៉ុន្តែរូបគេក៏មិនខ្លាចចំពោះថ្ងៃគូនៅចុងសប្តាហ៍នេះឡើយ។ គួររំលឹកថា កាលពីឆ្នាំ២០១៨កន្លងទៅ ប៊ុន សុធា ធ្លាប់ចាញ់ ...

ក្រោយចប់ការហ្វឹកហាត់ជុំគ្នាលើកដំបូងកាលថ្ងៃចន្ទ ទី២៧ ខែមិថុនា លោក Erik Ten Hag អ្នកចាត់ការថ្មី Manchester United មានអារម្មណ៍មិនសប្បាយចិត្តទេពេលឃើញកូនក្រុមទុកចោលអាវហ្វឹកហាត់ឥតសណ្ដាប់ធ្នាប់។ ប្រភពពី the Mirror និង Manchester Evening News រាយការណ៍ថា គ្រូបង្វឹកថ្មីជនជាតិហូឡង់បានបញ្ជាកូនក្រុមឲ្យរៀបចំអីវ៉ាន់មានសណ្ដាប់ធ្នាប់ឡើងវិញ និងដាក់តាមពណ៌ មានរបៀបរៀបរយ។ សារព័ត៌មានដដែលសង្កត់ធ្ងន់ថា លោក Ten Hag ...

ក្រុមបាល់ទាត់ជម្រើសជាតិកម្ពុជាអាយុក្រោម១៩ឆ្នាំដែលជាប់ក្នុងបញ្ជី២៣នាក់ចុងក្រោយ បានចាប់ផ្ដើមការហ្វឹកហាត់ជុំគ្នាជាផ្លូវការនាកីឡដ្ឋាន RSN ល្ងាចថ្ងៃអង្គារ ទី២៨ ខែមិថុនា នេះក្រោមការបង្ហាត់ពីលោក Koji Gyotoku ដើម្បី AFF U19 Championship 2022 ដែលប្រព្រឹត្តទៅពីចន្លោះថ្ងៃទី០២ ដល់ថ្ងៃទី១៥ ខែកក្កដា។ ក្រុម U19 កម្ពុជានឹងចាកចេញពីព្រះរាជាណាចក្រកម្ពុជានៅព្រឹកថ្ងៃព្រហស្បតិ៍ ទី៣០ ខែមិថុនា ដើម្បីឆ្ពោះទៅកាន់ប្រទេសឥណ្ឌូនេស៊ី សម្រាប់ព្រឹត្តិការណ៍ AFF U19 ...

ក្លឹប AC Milan កាន់តែកៀកក្នុងការនាំយកកីឡាករចំណូលថ្មីរបស់ពួគគេពីក្លឹបហង្សក្រហម Liverpool គឺ Divock Origi។ ក្នុងនោះ Divock Origi នឹងហោះហើរទៅកាន់ទីក្រុង Milan ក្នុងរយៈពេលប៉ុន្មានម៉ោងទៀត តែបុណ្ណោះ ដើម្បីធ្វើតេស្តសុខភាព និងចុះហត្ថលេខាលើកិច្ចសន្យាកីឡាករថ្មី ជាមួយ AC Milan។ សូមបញ្ចាក់ថា Origi បានចូលរួមជាមួយក្រុមជើងឯក Scudetto ១៩សម័យមួយនេះ លើការផ្ទេរដោយមិនមានតម្លៃខ្លួន ...

ខ្សែការពារអាមេរិកាំង Jonathan Campbell បានវិលមកប្រកបអាជីពនៅលីគកំពូលកម្ពុជាសាជាថ្មី ដោយចូលរួមជាមួយសមាគមកីឡាបាល់ទាត់កងយោធពលខេមរភូមិន្ទក្នុងជើងទី២នៃក្របខណ្ឌ Cambodian Premier League។ កីឡាករវ័យ៣១ឆ្នាំមកដល់កម្ពុជាដំបូងក្នុងឆ្នាំ២០១៨ ដោយចូលរួមជាមួយភ្នំពេញក្រោន មុនផ្លាស់ទៅក្រុមគូប្រជែងរួមលីគ ព្រះខ័នរាជស្វាយរៀង ឆ្នាំ២០១៩ ដែលរូបគេបានរួមចំណែកឈ្នះជើងឯកលីគកំពូល។ ក្រោយចប់រដូវកាល២០២០ ខ្សែការពារធ្លាប់លេងនៅថៃរូបនេះក៏បានទៅចូលរួមជាមួយក្លិបជើងឯកហ្វីលីពីន United City FC តែមិនបានបង្ហាញខ្លួនទេ។ ​​ក្នុងឆ្នាំ២០២២ នេះ គេបានទៅលេងនៅលីគទី៣អាមេរិក៕

អង្គការ NATO ត្រៀមផ្តល់ការគាំទ្រផ្នែកសន្តិសុខសុវត្ថិភាពដល់ប្រទេសកាតា អំឡុងពេលដែលប្រទេសនេះ ត្រូវទទួលធ្វើជាម្ចាស់ផ្ទះរៀបចំការប្រកួតបាល់ទាត់ពិភពលោក FIFA World Cup 2022។ សម្ព័ន្ធមិត្តណាតូ បានបញ្ជាក់ថា ការគាំទ្រនឹងរួមបញ្ចូលការបណ្តុះបណ្តាលប្រឆាំងនឹងការគំរាមកំហែង ដែលបង្កឡើងដោយសម្ភារៈគីមី ជីវសាស្ត្រ វិទ្យុសកម្ម និងនុយក្លេអ៊ែរ។ ប្រទេសរូម៉ានីនឹងផ្តល់ការបណ្តុះបណ្តាលសម្រាប់ការការពារបុគ្គលសំខាន់ និងសម្រាប់ការប្រឆាំងនឹងការគំរាមកំហែងដែលបង្កឡើងដោយឧបករណ៍បំផ្ទុះ ផលិតដោយសកម្មភាពយោធាធម្មតា ។ ចំណែកឯប្រទេសតួកគីផ្តល់ជំនួយសន្តិសុខ សម្រាប់ការប្រកួត World Cup 2022 រួចរាល់ហើយដោយនឹងបញ្ជូនមន្ត្រីសន្តិសុខចំនួន៣,២៥០នាក់ ...

នេះគឺជាលើកដំបូងហើយដែលអ្នកប្រដាល់គុនខ្មែរ ណង សាវ ក្នុងនាមជាកីឡាករនរាយតេជៈបានពាក់ខ្សែកស័ក្តិសិទ្ធរបស់ ឡុង សុវណ្ណឌឿន ស្របពេលដែលប្រកួតឈ្នះលុយលានម៉ារ៉ាតុងនៅសង្វៀនថោន។ បើយោងតាមការឲ្យដឹងពី ឡុង សុវណ្ណឌឿន ដែលជាម្ចាស់ក្លិបនរាយតេជៈគុនខ្មែរបានប្រាប់ MSR SPORT ថាៈ មួយរយៈនេះសិស្សនៅក្លិបមានបញ្ហាមិនចេះចប់ របួសនេះ របួសនោះ កីឡាករមើលទៅគ្មានអារម្មណ៍ប្រកួតក្នុងខ្លួនពេលឡើងសង្វៀនម្តងៗ ដូច្នេះរូបលោកក៏សម្រេចចិត្តយកខ្សែករដែលលោកគោរពបូជាយកទៅឲ្យ ណង សាវ ពាក់គុនគ្រូជាលើកដំបូង ដែលកន្លងមកមិនដែលឲ្យកូនសិស្សណាពាក់ សូម្បីតែប្អូនបង្កើត ទេព ឧត្តម។ ...

Fernandinho អតីតប្រធានក្រុម Manchester City បានវិលទៅក្លិបចាស់ Atlético Paranaense ក្នុងប្រទេសកំណើតប្រេស៊ីលរបស់ខ្លួន ក្រោយចប់កិច្ចសន្យានៅ Eitihad Stadium។ ខ្សែបម្រើវ័យ៣៧ឆ្នាំ​បានចំណាយពេល៩រដូវកាល​នៅក្រុមមេឃខៀវជាទីរូបគេបានរួមចំណែកឈ្នះជើងឯក Premier League ៥ដង។ គេបានចាកចេញ Paranense កាលឆ្នាំ២០០៥។ ក្លិបប្រេស៊ីលមួយនេះបច្ចុប្បន្នដឹកនាំដោយអតីតអ្នកចាត់ការ Chelsea លោក Luiz Felipe Scolari៕  

វិសាខាឈរកំពូលតារាងពូល G នៃពាន AFC Cup 2022 ក្រោយឈ្នះ Bali United ៥ទល់នឹង២ ក្នុងការប្រកួតលើកទី២ក្នុងពូល នៅថ្ងៃចន្ទ ទី២៧ ខែមិថុនា។ ក្រុមម្ចាស់ផ្ទះ Bali បានរកគ្រាប់មុន មុនវិសាខាវាយបកយកឈ្នះវិញ។ សរុបការប្រកួត២លើក វិសាខា មាន៦ពិន្ទុ។ ប្រកួតចុងក្រោយនៅថ្ងៃទី៣០ ខែមិថុនា ពួកគេត្រូវប៉ះក្រុមម៉ាឡេស៊ី Kedah៕