ប្រធាន​ក្លឹប​ Barcelona លោក​ Joan Laporta បានអោយដឹង​ថា​ ក្លឹប​របស់​លោកបាន​លក់​សិទ្ធិ​ Barca Studio ចំនួន​២៥ ភាគរយ ស្មើ​នឹង​ប្រមាណ​ ១០០លាន​ដុល្លារ​ ទៅអោយវេបសាយឌីជីថល Socios.comដើម្បី​ចុះ​ឈ្មោះ​កីឡាករ​ទើប​នាំ​ថ្មីៗ​ចូល​រួមក្លិប ។​ កន្លង​មក​នេះ​ Barcelona ត្រូវ​បាន​គេ​ងឿង​ឆ្ងល់​និង​រិះគន់​រឿងមានលទ្ធភាពនាំ​ចូល​កីឡាករ​ថ្មីៗ​ជា​ច្រើន​សម្រាប់​រដូវកាល​ក្ដៅ​ ដ្បិត ​ចំណូល​ ចំណាយ​ និង​បំណុល​ក្លឹប​នេះ​គឺ​ស្ថិត​ក្នុង​បញ្ហា​ហិរញ្ញវត្ថុ​នៅ​ឡើយ។​ យ៉ាង​ណា​មក​ទល់នឹង​ក្លឹប​នេះ​បាន​ធ្វើ​ការបង្ហាញ​ទិន្នន័យ​ដែល​ពួក​គេ​បាន​លក់​ផ្នែក​មួយ​ចំនួន​របស់​ក្លឹប​ដើម្បី​នាំ​ចូល​ និង​ចុះ​ឈ្មោះ​កីឡាករ​ដូច​ជា​ លក់​សិទ្ធិ​ ...

ព្រឹត្តិការណ៍ប្រកួតបាល់ទាត់កំពូលអឺរ៉ុបផ្នែកនារី UEFA Women Euro 2022 បានក្លាយជាព្រឹត្តិការណ៍បំបែកកំណត់ត្រាអ្នកចូលទស្សនាច្រើនជាងគេបំផុតនៅអង់គ្លេស។ ជាក់ស្តែង អ្នកគាំទ្រប្រមាណ ៨៧,១៩២នាក់ បានចូលទស្សនាការប្រកួតវគ្គផ្តាច់ព្រ័ត្ររវាងក្រុមនារីអង់គ្លេស និងអាល្លឺម៉ង់ នាកីឡដ្ឋាន Wembley ។ វាបានបំបែកតំណត់ត្រាការប្រកួតទាំងក្រុមបុរសនិងក្រុមនារីនៅកីឡដ្ឋាន Wembley កន្លងមក។ កាលពីថ្ងៃទី១៦ខែកក្កដា ជាថ្ងៃប្រកួតបើកឆាករបស់ក្រុមនារីអង់គ្លេសប៉ះក្រុមនារីអូទ្រីស នាកីឡដ្ឋាន Old Trafford មានអ្នកចូលទស្សនាប្រមាណ៦៨,៨៧១នាក់។  ​រីឯ ជំនួបវគ្គផ្តាច់ព្រ័ត្រ UEFA Euro ...

សារពត៌មាននៅអង់គ្លេស​បាន​រាយការណ៍​ថា ខ្សែប្រយុទ្ធ Cristiano Ronaldo បាន​ចាក​ចេញពី​កីឡដ្ឋាន Old Trafford ខណៈ​ដែល​ការ​ប្រកួត​មិត្តភាព​របស់​ក្រុម Man United នឹង Rayo Vallecano ទាំងមិន​ទាន់​បញ្ចប់​៩០​នាទី​ ដែល​វាបានបង្កើនការងើយ​ឆ្ងល់​បន្ថែម​ទៀត​សម្រាប់​អ្នកគាំទ្រ ចំពោះ​អនាគតរបស់គេ​។ ​ការ​ចាកចេញ​នេះ បង្កើន​ភាព​មិន​ច្បាស់លាស់​អំពី​អនាគត​របស់​គេ​ជាមួយ​ក្លិប Man Utd ដែល​របូត​ឱកាស​លេង​ពានរង្វាន់ UEFA Champions League រដូវ​កាល​ក្រោយ​។​ កាសែត ...

កីឡាករបាល់ទាត់បុរសម្នាក់បានបង្ហាញអារម្មណ៍ក្រេវក្រោធ និងរត់ទៅបុកអាជ្ញាកណ្ដាលស្រីម្នាក់ ក្រោយមិត្តរួមក្រុមរបស់គេទទួលបានកាតលឿង។ ៊ ហេតុការណ៍នេះកើតឡើងក្នុងការប្រកួតលីគទី៣អាហ្សង់ទីនរវាងក្លិប Garmense និង Deportivo Independcia កាលថ្ងៃទី៣១ ខែកក្កដា។ នាពេលនោះ អាជ្ញាកណ្ដាល Magali Cortadi បានផ្ដល់កាតលឿងដល់កីឡាករម្នាក់របស់ Garmense។ ដោយមិនអាចទទួលយកបាន Cristian Tirone បានរត់ទៅអុកអាជ្ញាកណ្ដាលស្រីនោះ។ អាជ្ញាកណ្ដាលស្រីក៏បានដួលលើទីលាន និងរងរបួសជើង។ ជំនួយការអាជ្ញាកណ្ដាល២រូបទៅជួយមិនទាន់ពេលទេ ដោយអាចបានត្រឹមរារាំងកីឡាករបង្កហេតុមិនឲ្យយាយីបន្ថែមទៀត។ នាពេលនោះ ...

ក្រុមប្រតិភូអត្តពលិកកម្ពុជាដែលបានចូលរួមការប្រកួតកីឡានគរបាលពិភពលោក World Police & Fire Games លើកទី១៩ ឆ្នាំ២០២២ នៅប្រទេសហូឡង់ នឹងធ្វើមាតុភូមិនិវត្តន៍ដល់រាជធានីភ្នំពេញវិញ នាព្រឹកថ្ងៃទី០២ ខែសីហា ឆ្នាំ២០២២។ បន្ទាប់មកនៅវេលាម៉ោង៩និង៣០នាទីព្រឹកថ្ងៃដដែល ក៏នឹងមានការធ្វើពិធីដង្ហែមេដាយពីអាកាសយានដ្ឋានអន្តរជាតិភ្នំពេញ តាមផ្លូវសហព័ន្ធរុស្ស៊ី បត់តាមផ្លូវនរោត្តម ត្រង់មន្ទីរពេទ្យ ព្រះអង្គឌួង ឆ្ពោះទៅវិមានឯករាជ្យ ព័ទ្ធជុំវិញសួនវិមានឯករាជ្យខាងកើត ត្រឡប់មកផ្លូវព្រះសុរាម្រិត ដល់ផ្លូវព្រះសីហនុរួចឆ្ពោះទៅ​កាន់មជ្ឈមណ្ឌលកីឡានគរបាលជាតិក្នុងពហុកីឡដ្ឋានជាតិ។ គួររំលឹកថា ព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក ...

ក្រុមបាល់ទាត់ជម្រើសជាតិនារីអង់គ្លេស បានក្លាយជាម្ចាស់ជើងឯកពានរង្វាន់ UEFA Women Euro 2022 បន្ទាប់ពីបានយកឈ្នះក្រុមជម្រើសជាតិនារីអាល្លឺម៉ង់ ដោយលទ្ធផល ២-១។ ជាមួយសមិទ្ធិផលនេះ គ្រូបង្វឹកក្រុមនារីអង់គ្លេស លោកស្រី Sarina Wiegman បានបង្ហាញពីក្តីសប្បាយរីករាយ ដោយថា “រូបខ្ញុំនិងកូនក្រុមទាំងអស់ ពិតជាមានក្តីសប្បាយរីករាយនិងមោទនភាពបំផុត ដែលបានឈ្នះពានរង្វាន់នេះ។ វាជាការប្រកួតដ៏អស្ចារ្យ ហើយគូប្រជែងរបស់យើងពិតជាលេងបានល្អណាស់ ប៉ុន្តែពួកយើងក៏បានប្រឹងប្រែង រហូតបានឈ្នះ។” លោកស្រីបានបន្តថា “ជ័យជំនះរបស់យើងនេះមានអត្ថន័យណាស់ ព្រោះវាមិនត្រឹមតែក្នុងផ្នែកកីឡាប៉ុណ្ណោះទេ ...

រាប់បញ្ចូលទាំងពានរង្វាន់ French Super Cup នៅថ្ងៃអាទិត្យ ទី៣១ ខែកក្កដា ឆ្នាំ២០២២ Lionel Messi មានពាន៤១គ្រឿងទាំងតូច ទាំងធំក្នុងដៃហើយ។ Legend អាហ្សង់ទីនរូបនេះបានរួមចំណែកជួយ Paris Saint Germain ឈ្នះ Super Cup តាមរយៈជ័យជម្នះ៤ទល់នឹង០លើ Nantes។ គិតមកទល់ពេលនេះគេមានពាន៤១គ្រឿងហើយ រួមបញ្ចូលទាំង La Liga ...

អង់គ្លេស​បាន​បង្កើតប្រវត្តិសាស្ត្រ​ដោយ​បានឈ្នះ​ជើងឯក​កម្រិតខ្ពស់ក្នុងក្របខណ្ឌនារីលើកដំបូង។ ក្រុមតោញីបាន​លើកពាន EURO 2022 តាមរយៈជ័យជម្នះលើក្រុមជើងឯក៨សម័យអាល្លឺម៉ង់ ក្នុងវគ្គផ្ដាច់ព្រ័ត្រ នៅកីឡដ្ឋាន Wembley ថ្ងៃអាទិត្យ ទី៣១ ខែកក្កដា។ Chole Kelly រកបានគ្រាប់ជ័យជម្នះក្នុងនាទី១១០ សម្រាប់អង់គ្លេសក្នុងសំណាញ់អាល្លឺម៉ង់ ក្រោយក្រុមទាំង២ស្មើគ្នា១ទល់នឹង១ ក្នុងម៉ោងធម្មតាពីមុខអ្នកគាំទ្រ៨៧១៩២នាក់។ ក្រុមកីឡាការិនីបានដួលដេកលើទីលានបង្ហូរទឹកភ្នែកលាយឡំដោយភាពរីករាយ។ គេចាំបានថា កាលពី៥៦ឆ្នាំមុន ក្រុមបុរសអង់គ្លេសបានឈ្នះអាល្លឺម៉ង់ខាងលិចដើម្បីលើកពាន World Cup 1966 ដែលជាពានធំតែមួយគត់របស់​ប្រទេសនេះ៕  

មេដាយមាសទី២របស់កម្ពុជាក្នុងព្រឹត្តិការណ៍អាស៊ានប៉ារ៉ាហ្គេម ២០២២ នៅប្រទេសឥណ្ឌូនេស៊ី ធ្វើបានដោយកីឡាការិនី វិត ចន្ថា លើវិញ្ញាសាលោតចម្ងាយ។ គិតមកទល់ពេលនេះ កម្ពុជាដណ្ដើមបានមេដាយ២គ្រឿង និងសំរឹទ្ធ១គ្រឿង។ មេដាយមាសមួយទៀតបាន​ពីវិញ្ញាសាបាល់បោះជិះរទេះនារី និងមេដាយសំរឹទ្ធបានពីវាយកូនឃ្លីលើតុ វិញ្ញាសាជាក្រុម (Class 1-3)៕

ក្រុមកីឡាជនមានពិការភាពកម្ពុជាដណ្ដើមបានមេដាយមាស១គ្រឿងដំបូងហើយពីព្រឹត្តិការណ៍អាស៊ានប៉ារ៉ាហ្គេម នៅប្រទេសឥណ្ឌូនេស៊ី ឆ្នាំ២០២២ នាថ្ងៃអាទិត្យ ទី​៣១ ខែកក្កដា ឆ្នាំ២០២២ នេះ។ មេដាយមាស១គ្រឿងនេះកើតឡើងក្នុងវិញ្ញាសាបាល់បោះរទេះ៣ទល់៣ នាវគ្គផ្តាច់ព្រ័ត្រឈ្នះក្រុមនារីថៃ ដោយលទ្ធផល ៧ទល់នឹង៥។ នេះក៏ជាកំណត់ត្រា១០០ភាគរយសម្រាប់ក្រុមបាល់បោះរទេះនារីកម្ពុជាដែរ។ គួរដឹងដែរថា កម្ពុជាបានចូលរួមប្រកួតលើ ១១ប្រភេទកីឡា ក្នុងព្រឹត្តិការណ៍អាស៊ានប៉ារ៉ាហ្គេមលើកទី១១ ដែលចាប់ពីថ្ងៃទី៣០ ខែកក្កដា រហូត ដល់ ថ្ងៃទី០៦ ខែសីហា ឆ្នាំ២០២២។ ជាមួយគ្នានេះ ប្រមុខរាជរដ្ឋាភិបាលកម្ពុជា ...