យោងតាមសារព័ត៌មាន Telegraph ថ្នាក់ដឹកនាំ Manchester United គ្រោងនឹងលក់ចេញកីឡាករចំនួន១៥នាក់ក្រោយយរដូវកាលនេះ។ អ្នកចាត់ការ Erik ten Hag ជឿជាក់ថា បិសាចក្រហម ត្រូវការការផ្លាស់ប្តូរថ្មីមួយទៀតដើម្បីបំពេញចន្លោះខ្វះខាតក្នុងក្រុម។

Telegraph បានសរសេរថា “Harry Maguire, Victor Lindelof និង Anthony Martial មិនមានអនាគតនៅ Old Trafford ទេ ព្រោះលោក Ten Hag ខឹងដោយសារតែចាញ់ Sevilla ។ អតីត​គ្រូ​បង្វឹក Ajax ជឿជាក់​ថា​ពួកគេ​មិន​មាន​សមត្ថភាព​ពាក់​អាវ Man UTD ទេ។

Aaron Wan-Bissaka, Fred និង Donny van de Beek សុទ្ធតែប្រឈមមុខនឹងអនាគតមិនច្បាស់លាស់។ Eric Bailly និង Alex Telles មិនមានឱកាសនៅ United បន្ទាប់ពីកិច្ចសន្យាខ្ចីរបស់ពួកគេផុតកំណត់នៅ Marseille និង Sevilla ។ Phil Jones និង Axel Tuanzebe នឹងចេញពេលកិច្ចសន្យារបស់ពួកគេផុតកំណត់នៅចុងបញ្ចប់នៃរដូវកាលនេះ។

Dean Henderson មិនមានកន្លែងនៅក្នុងជម្រើស១១នាក់ដំបូងឡើយ ហើយ Man UTD ត្រៀមខ្លួនរួចរាល់ហើយដើម្បីស្តាប់ការដេញថ្លៃអ្នកចាំទីអង់គ្លេស។ ក្រុមប្រឹក្សាភិបាល “បិសាចក្រហម” បាននិយាយថា Anthony Elanga និង Brandon Williams មិនអាចអភិវឌ្ឍខ្លួនបន្ថែមទៀតបានទេ។

Man UTD សង្ឃឹមថានឹងប្រមូលប្រាក់មួយចំនួនក្នុងករណីលក់ Scott McTominay។ ខ្សែ​បម្រើ​ជម្រើសជាតិ​ស្កុតឡែន​មិន​ស្ថិត​ក្នុង​គម្រោង​របស់អ្នកចាត់ការ Ten Hag ទេ។ David de Gea ប្រហែល​ជា​មិន​ត្រូវ​បាន​បន្ត​កិច្ចសន្យា បន្ទាប់​ពី​បង្កើត​កំហុស​ធំ​ក្នុង​ការ​ចាញ់ Sevilla ០-៣៕