Manchester City មានទំនុកចិត្តថា Jude Bellingham នឹងរំលង Real Madrid ឬ Liverpool ទៅលេងក្រោមការដឹកនាំរបស់លោក Pep Guardiola ។

យោងតាមកាសែតអង់គ្លេស SunSport បានឱ្យដឹងថា Real កំពុងនាំមុខការប្រជែងដណ្តើមយក Bellingham ។ ទោះបីជាយ៉ាងណាក៏ដោយ ប្រភពជិតស្និទ្ធនឹង Man City ជឿជាក់ថាការរំពឹងទុកនៃការធ្វើការជាមួយលោក Guardiola គឺជាគុណសម្បត្តិមួយ ដែលជួយពួកគេបញ្ចុះបញ្ចូលខ្សែបម្រើវ័យ១៩ឆ្នាំរូបនេះឱ្យផ្លាស់ទៅកីឡដ្ឋាន Etihad ។ ក្រៅ​ពី​នេះ Man City ក៏​បាន​ត្រៀម​ខ្លួន​សម្រាប់​​ហិរញ្ញវត្ថុ​ដើម្បី​ដាក់​ដេញ​ថ្លៃ​តារា​ថ្មី​នេះ។

Liverpool គឺជាគោលដៅដ៏មានសក្តានុពលមួយផ្សេងទៀតសម្រាប់ Bellingham នៅពេលលោក Jurgen Klopp បានសរសើរជាសាធារណៈម្តងហើយម្តងទៀតអំពីទេពកោសល្យរបស់ខ្សែបម្រើជម្រើសជាតិអង់គ្លេស។ Trent Alexander-Arnold និង Jordan Henderson ត្រូវបានគេនិយាយថាបានបញ្ចុះបញ្ចូលយុវជនរូបនេះទៅ Anfield នៅពេលដែលពួកគេទាំងពីរបានចូលរួមការប្រកួត World Cup 2022៕