វីរកីឡាការិនីជឺជីតស៊ូ ខាន់ ចេសា ដណ្ដើម​បាន​មេដាយ​មាស 🥇 នៃ​ការ​ប្រ​កួត​ជ្រើស​រើស​ជើង​ឯក​ពិភព​លោក (Ju-Jitsu World Championship 2022) ហើយ ក្រោយយកឈ្នះ​កីឡា​ការិនី​អេស្ប៉ាញ Matthews Martin Naiomi នៅរាត្រីថ្ងៃពុធ ទី០២ នៅ​ទី​ក្រុង​អា​ប៊ូដាប៊ី នៃ​ប្រ​ទេស​អារ៉ាប់រួម។

មុនឈានឡើងដល់វគ្គផ្ដាច់ព្រ័ត្រនេះ កូនខ្មែរអាមេរិកាំងខាងលើបានទម្លាក់កីឡាការិនីហ្វីលីពីន Baluyot Ashley Jeraine ក្នុងជុំទី២, ផ្ដួលកីឡាការិនីម្ចាស់ផ្ទះអារ៉ាប់រួម Shraim Maitha ឲ្យបោះបង់ការប្រកួតក្នុងជុំទី៣ និងបានយកឈ្នះកីឡាការិនីអ៊ីស្រាអ៊ែល Aronov Pnina ក្នុងវគ្គពាក់កណ្ដាលផ្ដាច់ព្រ័ត្រ។

គួរបញ្ជាក់ថា ខាន់ ចេសា ប្រកួតក្នុងប្រភេទទម្ងន់៥២គីឡូក្រាម៕