អ្នកចាត់ការ Manchester United លោក Erik ten Hag និយាយថា ក្រុមរបស់លោកត្រូវការកីឡាករមានគុណភាព ព្រោះសមាសភាពរាល់ថ្ងៃនេះមិនគ្រប់គ្រាន់ទេ។

Man UTD បានចាញ់​ Brentford ៤ទល់នឹង០ ក្នុងការប្រកួតសប្ដាហ៍ទី​២​នៃក្របខណ្ឌ Premier League រដូវកាលថ្មីនេះ ហើយ៤គ្រាប់នេះរបូតតាំងពី៣៥នាទីដំបូង។ ២ប្រកួតមកនេះពួកគេចាញ់ទាំង២។

លោក Ten Hag ដែលចូលកាន់តំណែងអ្នកចាត់ការបិសាចក្រហមក្នុងខែឧសភា ឆ្នាំ២០២២ និយាយថា នេះជាដំណើរការដ៏ពិបាកមួយ។

“យើងចង់ផ្ដល់នូវមាត្រដ្ឋានដ៏ខ្ពស់មួយជាងអ្វីដែលយើងបានធ្វើសព្វថ្ងៃនេះ។ យើងត្រូវការកីឡាករថ្មីដែលមានគុណភាព។ យើងតែធ្វើការលើរឿងហ្នឹងហើយ ហើយកំពុងព្យាយាមទាក់ទាញកីឡាករល្អៗមក។” នេះជាការថ្លែងរបស់លោក Ten Hag៕