ក្រុមបាល់ទាត់​ជម្រើសជាតិអាយុក្រោម២០ឆ្នាំកំពុង​ប្រមូលផ្ដុំធ្វើតេស្ដ​ដំណាក់កាលទី១ជ្រើសរើស​កីឡាករ​ត្រៀមទៅ​ប្រកួតជម្រុះ AFC U20 Championship 2023 នៅប្រទេសតាហ្ស៊ីគីស្ថាន ក្នុងខែ​កញ្ញា ឆ្នាំ២០២២។

ក្នុងនោះគេក៏បានសង្កេតឃើញអ្នកចាំទីណាហ្គាវើលដ៍ សំរិត សីហា ចូលក្រុមការងារ​ជម្រើសជាតិ​ U20 នេះដែរ។ អតីត​កីឡាករជម្រើសជាតិរូបនេះ​បច្ចុប្បន្នជាអ្នកចាំទីផង និងគ្រូបង្ហាត់ចាំទី​មួយរូបផងនៅណាហ្គាវើលដ៍ (player-coach)។

សីហា ប្រាប់ថា គេ​ត្រូវបានសហព័ន្ធកីឡាបាល់ទាត់កម្ពុជាទាក់ទងក្លិបណាហ្គាឲ្យទៅជួយជម្រើសជាតិ ខណៈ​គ្រូចាំទី U20 ជាប់រវល់ក្នុងក្រុមធំ។

គួរបញ្ជាក់ថា ក្នុងវគ្គជម្រុះ AFC U20 Championship 2023 នេះ កម្ពុជា​ស្ថិតក្នុងពូល I ជាមួយតាហ្ស៊ីគីស្ថាន, លីបង់ និង​សិង្ហបុរី ដោយប្រកួតពីថ្ងៃទី១៤ ដល់ថ្ងៃទី១៦ ខែកញ្ញា ឆ្នាំ២០២២៕