Takumu Nisahara បានទាត់បញ្ចូលទីគ្រាប់ជ័យជម្នះ​ឲ្យ​កងយោធពលខេមរភូមិន្ទយកឈ្នះវិសាខា ០ទល់នឹង១ ក្នុងការប្រកួតក្របខណ្ឌ Cambodian Premier League នៅថ្ងៃសៅរ៍ ទី​៣០ ខែកក្កដា។

គិតមកទល់ពេលនេះ ខ្សែប្រយុទ្ធជនជាតិជប៉ុនខាងលើមាន​១៦គ្រាប់ហើយពីការប្រកួត១៣លើក​របស់ទ័ព ឈរកំពូលតារាង Top Scorer ជាបណ្ដោះអាសន្ន។

គួររំឭកថា Takumu បានចូលរួមជាមួយកងយោធពលខេមរភូមិន្ទតាំងពីមុនបើករដូវកាល២០២១ម្ល៉េះ។ ជាអកុសល គេបានរងរបួស​ដាច់សរសៃពួរជង្គង់ អំឡុងការប្រកួត pre-season និង​បានវិលទៅព្យាបាលនៅប្រទេសជប៉ុន។

រំលងបានតែមួយឆ្នាំ កីឡាករធ្លាប់ប្រកបអាជីពនៅលីគកំពូលឡាវបានវិលចូល Tiffy Army វិញ។ ទោះស្ថិតនៅក្រៅទីលានពេញមួយរដូវកាល Takumu នៅតែ​រក្សាគុណផលបានល្អ។ គ្រាន់តែរដូវកាលនេះ គេធ្វើបាន hat-trick ដល់ទៅ៣ដង៕