ខ្សែបម្រើ Paul Pogba បានរងរបួសអំឡុង​ការហ្វឹកហាត់របស់​ Juventus នៅសហរដ្ឋអាមេរិក។

កីឡាករជម្រើសជាតិបារាំងមិនអាចបញ្ចប់សកម្មភាពហាត់ជាមួយក្រុមឲ្យបានពេញលេញទេ។ អតីតសមាជិក Juventus មានបញ្ហត្រង់ជង្គង់ ពិបាកធ្វើចលនា និងត្រូវស្ថិតក្រៅទីលានរយៈពេល២ខែ។ Pogba ទំនងត្រូវទទួលការវះកាត់ថែមទៀត។

អវត្តមាន Pogba ធ្វើឲ្យប៉ះពាល់ដល់ផែនការរបស់​ Juventus នៅដើមរដូវកាលថ្មី។ គេទើបតែវិលទៅក្រុង Turin វិញដើមខែកក្កដា នេះ ក្រោយផុតកុងត្រានៅ Manchester United។ បើតាមអ្នកសារព័ត៌មាន Fabrizio Romano ក្រុមរហស្សនាមសេះបង្កង់ជិតស្វាគមន​ខ្សែបម្រើ Leandro Paredes ពី Paris Saint Germain ខណៈ Arthur Melo និង Aaron Ramsey ត្រៀមចាកចេញ៕