ម្ចាស់ផ្ទះវៀតណាម ប៉ះម៉ាឡេស៊ី ខណៈថៃ ប៉ះឥណ្ឌូនេស៊ី នៅវគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍កីឡាបាល់ទាត់វិញ្ញាបុរស នៅស៊ីហ្គេមឆ្នាំនេះ។

ក្នុងការប្រកួតចុងក្រោយវគ្គចែកពូល នៅថ្ងៃចន្ទ ទី១៦ ខែឧសភា ​នៅ​កីឡដ្ឋាន Thiên Trường  ក្រុម​ថៃដណ្ដើមបានចំណាត់ថ្នាក់លេខ១ពូល B ពី​ម៉ាឡេស៊ី​។

ការ​ទទួល​ជ័យ​ជម្នះ​លើ​ក្រុម​ឡាវ ១-០ ដែល​ជាការភ្លាត់ចូល​ខ្លួន​ឯង​ពីខ្សែការពារ At Viengkham នៅ​នាទី​ទី ១៩ ពិតជា​គ្រប់​គ្រាន់​សម្រាប់​ក្រុម​ថៃ​ក្នុង​ការ​ដណ្តើម​បាន ៩ ពិន្ទុ​ពី​ការ​ប្រកួត​ចំនួន ៤ លើក។

ស្រប​ពេល​នោះ ម៉ាឡេស៊ី ដែល​បាន​នាំមុខ​ក្រុម​តាំង​ចប់​ការ​ប្រកួត​ទី១ ត្រូវរអិលទៅលេខ២ ក្រោយ​ស្មើ​កម្ពុជា ២-២។

កម្ពុជានាំមុខ២គ្រាប់តាមរយៈការស៊ុតប៉េណាល់ទីនៅនាទីទី៤៥ ដោយ ជួន ចាន់ចាវ និង ណារ៉ុង កក្កដា មុនខ្សែប្រយុទ្ធ Hadi Fayyadh Abdul Razak ស៊ុតប៉េណាល់ទីមួយគ្រាប់នាទី៥១ និងនាទីទី៦៨តាមស្មើវិញ។

ការប្រកួតវគ្គពាក់កណ្តាលផ្តាច់ព្រ័ត្រនឹងធ្វើឡើងនៅថ្ងៃទី១៩ ខែឧសភា ឆ្នាំ២០២២ ដោយវៀតណាម និងម៉ាឡេស៊ី ដែលនឹងត្រូវប្រកួតនៅកីឡដ្ឋាន Viet Tri ខណៈការប្រកួតរវាង ថៃ និង ឥណ្ឌូនេស៊ី នឹងត្រូវធ្វើឡើងនៅកីឡដ្ឋាន Thiên Trường៕