Heung Min-son បានបង្ហាញអារម្មណ៍មិនសប្បាយចិត្តប៉ុន្មានទេពេលត្រូវបានប្ដូរចេញក្នុងនាទី៧២ ក្នុងការប្រកួត Premier League ដែល Tottenham Hotspur ឈ្នះ Arsenal ៣ទល់នឹង០។

ពេលនោះអ្នកចាត់ការ Antonio Conte បានប្ដូរ Son ចេញជំនួសដោយ Steven Bergwijn។ ក្រោយរកបានមួយគ្រាប់ និងជាគ្រាប់ទី៣ក្នុងនាទី៤៧ គេចង់បន្តលេង​ ដើម្បីរកគ្រាប់បាល់បន្ថែមទៀត ជាពិសេសតាម Mohamad Salah។ បច្ចុប្បន្នគេរកបាន២១គ្រាប់ តាមពីក្រោយ Salah ១គ្រាប់។។

កីឡាករកូរ៉េខាងត្បូងរូបនេះបញ្ជាក់ “៖ ពិតហើយ ខ្ញុំចង់បន្តលេងទៀត តែនេះជាសំណើរបស់គ្រូ ដែលខ្ញុំត្រូវតែទទួលយក។”

ជ័យជម្នះនៅថ្ងៃព្រហស្បតិ៍ ទី១២ ខែឧសភា មានន័យថា Tottenham មាន៦៥ពិន្ទុ តាមពីក្រោយ Arsenal មួយពិន្ទុ ខណៈការប្រកួតនៅសល់២លើកទៀត៕