ទោះមិនបានជាប់​ឈ្មោះក្នុងបញ្ជីហ្វឹកហាត់ត្រៀមទៅចូលរួមព្រឹត្តិការណ៍កីឡាអាស៊ីអាគ្នេយ៍ ឆ្នាំ២០២១ នៅប្រទេសវៀតណាម យុវជន៣រូប គឺ វុធ តុលា, រដ្ឋ វីរៈ និង​ ឡេង ណូរ៉ា ត្រូវបានអ្នកចាត់ការទូទៅ Keisuke Honda កោះហៅចូលជួបចែករំលែកបទពិសោធនៅថ្ងៃព្រហស្បតិ៍ ទី​២៩ ខែមេសា នេះ។

គួររំឭកថា វុធ តុលា ធ្លាប់ជាប់ជម្រើសជាតិក្រុមធំទៅបារ៉ែន កាលឆ្នាំ២០២១ កន្លងទៅ ខណៈរដ្ឋ វីរៈ និង​ឡេង ណូរ៉ា ជាប់ចុងក្រោយបង្អស់ក្នុងយុទ្ធនាការ AFF U23 Championship 2022 នៅពហុកីឡដ្ឋានជាតិមរតកតេជោ។

បច្ចុប្បន្ន ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំបានបន្តការហ្វឹកហាត់យ៉ាងរលូនក្រោមការដឹកនាំពីអ្នកចាត់ការទូទៅ Keisuke Honda និងគ្រូបង្គោល Ryu Hiroshe នាទីលាននៃពហុកីឡដ្ឋានមរកតេជោ។