Bruno ដាក់២គ្រាប់ឲ្យព័រទុយហ្គាល់ស៊ីម៉ាសេដ្វានខាងជើងឡើង World Cup 2022
២គ្រាប់របស់ Bruno Fernandes សមល្មមនឹងបញ្ជូនជម្រើសជាតិព័រទុយហ្គាល់ឡើងទៅ FIFA World Cup 2022 តាមរយៈជ័យជម្នះ២ទល់នឹង០លើម៉ាសេដ្វានខាងជើង ក្នុងការប្រកួតផ្ដាច់ព្រ័ត្រ វគ្គ play-off។
ម៉ាសេដ្វានដែលទម្លាក់ជើងឯក Euro 2020 អ៊ីតាលី មានឥទ្ធិពលតិចតួចប៉ុណ្ណោះ លើទីលាន។
ព័រទុយហ្គាល់បានឡើងទៅជុំចុងក្រោយ FIFA World Cup ជាលើកទី៦ជាប់ៗគ្នា ខណៈ Ronaldo ក៏មានឱកាសបង្ហាញខ្លួនជាលើកទី៥ ហើយក៏អាចជាលើកចុងក្រោយសម្រាប់គេ។
ទន្ទឹមនឹងនេះ គ្រូបង្គោល Fernando Santos ដែលដឹកនាំព័រទុយហ្គាល់លើកពាន Euro 2016 និង Nations League 2019 កំពុងសម្លឹងទៅជើងឯក World Cup ជាលើកដំបូង៕
