ក្រុមហ៊ុន Cambodian Premier League បានធ្វើពិធីបង្ហាញឯកសណ្ឋានកីឡាកររបស់ក្លិបទាំង៨ដែលត្រូវប្រកួតប្រជែងក្នុងក្របខណ្ឌកំពូលកម្ពុជា រដូវកាលថ្មី២០២២។

ក្នុងនោះមានក្លិបអង្គរថាយហ្គឺរ, ណាហ្គាវើលដ៍, គិរីវង់សុខសែនជ័យ, វិសាខា, ភ្នំពេញក្រោន, ព្រះខ័នរាជស្វាយរៀង, បឹងកេត និងកងយោធពលខេមរភូមិន្ទ។

លោក Satoshi Saito នាយកប្រតិបត្តិក្រុមហ៊ុន Cambodian Premier League បានបង្ហាញការប្ដេជ្ញាចិត្តក្នុងការជួយជម្រុញបាល់ទាត់កម្ពុជាកាន់រីកចម្រើនថែមទៀត។

សម្រាប់កីឡាករទាំង៨ក៏បានប្ដេជ្ញាចិត្តជួយក្លិបប្រកួតប្រជែងទទួលបានលទ្ធផលល្អក្នុងកាប្រកួតរដូវកាលថ្មី។ ពួកគេទទួលស្គាល់ថា ការប្រកួតនឹងតានតឹងព្រោះកាត់សល់តែ៨ក្រុមល្អៗដើម្បីប្រកួតប្រជែងគ្នា។

គួរដឹងដែរថា ក្របខណ្ឌ Cambodian Premier League 2022 នឹងចាប់ផ្ដើមពីថ្ងៃទី០៥ តទៅ៕

ចំពោះគូប្រកួតមានដូចខាងក្រោម ៖

បឹងកេត ប្រកួតជាមួយ ណាហ្គាវើល នៅ កីឡដ្ឋាន ខេមបូឌាអ៊ែវេ៉ វេលាម៉ោង ០៣:៤៥ នាទីរសៀល

កងយោធពលខេមរភូមិន្ទប្រកួតជាមួយ ភ្នំពេញក្រោន នៅ កីឡដ្ឋាន កងយុទ្ធពលខេមរភូមិន្ទ វេលាម៉ោង ៦:៣០ ល្ងាច

ព្រះខ័នរាជស្វាយរៀង ប្រកួតជាមួយ គីរីវង់សុខសែនជ័យ នៅកីឡដ្ឋាន ខេត្ត ស្វាយរៀង វេលាម៉ោង ៦:៣០ល្ងាច

អង្គរថាយហ្គឺរ ប្រកួតជាមួយ វិសាខា នៅ កីឡដ្ឋាន ហនុមាន វេលាម៉ោង ០៣:៤៥ នាទីរសៀល