ដោយសារការជំរុញ និងលើកទឹកចិត្តពីក្រុមគ្រួសារ ស៊ិន សុវណ្ណមករា​ បានចាប់យកអាជីពបាល់ទាត់អំឡុងឆ្នាំ២០១៤ ដោយចូលហ្វឹកហាត់ក្នុងក្រុមយុវជនភ្នំពេញក្រោន ដូចបងប្រុសបង្កើតរបស់ខ្លួនដែរ គឺកីឡាករ ស៊ិន កក្កដា។

កីឡាករក្រុម U23 កម្ពុជាប្រាប់ថា ប្រាប់ថា ទាំងឪពុកម្ដាយ និងបងប្រុសបានលើកទឹកចិត្តខ្លួនយ៉ាងខ្លាំងឲ្យខំប្រឹងប្រែងហ្វឹកហាត់។ ទន្ទឹមនឹងនេះបងប្រុសរបស់គេក៏បានជួយបង្ហាត់រូបគេដែរកាលពីនៅតូចៗ។

ដល់ចុងឆ្នាំ២០១៨ ស៊ិន សុវណ្ណមករា បានទៅចូលរួមជាមួយក្រុមថ្នាលវិសាខា និងបានផ្លាស់ទៅព្រៃវែងអេហ្វស៊ី ក្នុងឆ្នាំ២០២០រហូតដល់បច្ចុប្បន្ន។

គេធ្លាប់ជាប់ជម្រើសជាតិអាយុក្រោម១៥ឆ្នាំ និងជាប់ U23 ដំបូង កាលខែតុលា ឆ្នាំ២០២១។ មករា បានទាត់បញ្ចូលទី១គ្រាប់ពេលឈ្នះហ្វីលីពីន U23 ១ទល់នឹង០ ក្នុងការប្រកួត AFF U23 Championship 2022។

មានកំណើត​កើត​ជានៅក្រុង​តាខ្មៅ ខេត្តកណ្ដាល មករា ជាកូនពៅគេក្នុងចំណោមបងប្អូនបង្កើត​៤​នាក់ ខណៈ​ស៊ិន កក្កដា គឺ​ជា​កូន​ប្រុស​ទី១៕