ក្របខណ្ឌ Premier League បានបញ្ជាក់ពី​ការ​សម្រេចចិត្តដកចោលវិធានការការពារកូវីដ-១៩ មួយចំនួនចេញ ដូចជាការពាក់របាំងមុខការពារក្នុងតំបន់ដែលក្លិបនីមួយៗធ្វើការ។

ចំពោះ​ការសម្រេចចិត្តដកចេញនូវវិធានការបែបនេះ Premier League បញ្ជាក់ថា ជាសម្រេចចិត្តរួមមួយ ក្នុងកិច្ចប្រជុំជាមួយម្ចាស់ភាគហ៊ុនទាំងអស់កាលពីសប្តាហ៍កន្លងទៅ។

អំឡុងពេលមានករណីឆ្លងខ្លាំង Premier League បានបង្កើនវិធានការសង្រ្គោះបន្ទាន់ដោយបង្កើនការធ្វើ PCR តេស្តជារឿយៗលើកីឡាករនិងបុគ្គលិកក្លិបទាំងអស់។ ទោះជាយ៉ាងនេះក្តីក្រោយតួរលេខឆ្លងថយចុះ Premier League បានអះអាង ការធ្វើតេស្តនឹងធ្វើ២ដងក្នុងមួយសប្តាហ៍ ហើយវិធានការមួយចំនួនត្រូវដកចេញ។

មិនត្រឹមតែប៉ុណ្ណោះ Premier League ក៏បាន​អះអាង វិធានការសង្រ្គោះបន្ទាន់ផ្សេងទៀតនៅតែស្ថិតក្រោយការត្រួតពិនិត្យជាប្រចាំ ប៉ុន្តែអាចនឹងបិទបញ្ចប់ត្រឹមចុងខែកុម្ភៈនេះ៕

-Monsoon-